ಶಿವಮೊಗ್ಗಕ್ಕೆ ಎಫ್ ಎಂ ಕೇಂದ್ರ : ಸೋನಿ ಹೇಳಿಕೆ

ಬೆಂಗಳೂರು, ಜೂ. 23 : ಶಿವಮೊಗ್ಗದಲ್ಲಿ ಹೊಸ ಎಫ್ ಎಂ ಸ್ಟೇಷನ್ ಆರಂಭಿಸುವುದಾಗಿ ಕೇ೦ದ್ರ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವೆ ಅ೦ಬಿಕಾ ಸೋನಿ ಭರವಸೆ ನೀಡಿದ್ದಾರೆ. ಇತ್ತೀಚೆಗೆ ಮುಖ್ಯಮಂತ್ರಿ ಯಡಿಯೂರಪ್ಪ ನೇತೃತ್ವದ ನಿಯೋಗ ಸಚಿವೆ ಸೋನಿ ಅವರನ್ನು ಭೇಟಿ ಮಾಡಿದ ಸಂದರ್ಭದಲ್ಲಿ ಅವರು ಈ ಭರವಸೆ ನೀಡಿದ್ದಾರೆ.

ಶಿವಮೊಗ್ಗ ನಗರ ಅತ್ಯಂತ ವೇಗ ಹಾಗೂ ವ್ಯವಸ್ಥಿತವಾಗಿ ಅಭಿವೃದ್ದಿ ಹೊ೦ದುತ್ತಿದೆ. ಆದರೆ ಈ ಭಾಗದಲ್ಲಿ ದೂರದರ್ಶನ ಹಾಗೂ ಎಫ್ ಎಂ ರೇಡಿಯೋ ಚಾನಲ್ ಗಳು ಜನರಿಗೆ ಲಭ್ಯವಾಗುತ್ತಿಲ್ಲ ಎ೦ದು ಸಿಎಂ ಮನವಿ ಮಾಡಿದ್ದರು. ಅಭಿವೃದ್ದಿ ವಿಷಯದಲ್ಲಿ ತಾವು ರಾಜಕೀಯ ಮಾಡುವುದಿಲ್ಲ. ಅತೀ ಶೀಘ್ರದಲ್ಲಿ ಶಿವಮೊಗ್ಗದಲ್ಲಿ ಎಫ್ ಎಂ ಸ್ಟೇಷನ್ ಪ್ರಾರ೦ಭಿಸಲಾಗುವುದು ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ಹೇಳಿದರು.

ಅಲ್ಲದೆ, ರಾಜ್ಯದ ಯಾವುದೇ ಪ್ರದೇಶದಲ್ಲಿ ದೂರದರ್ಶನ ಮತ್ತು ರೇಡಿಯೋ ಸ್ಟೇಷನ್ ಗಳು ಜನರನ್ನು ತಲುಪದ ಬಗ್ಗೆ ಮಾಹಿತಿ ನೀಡಿದರೆ ಆ ಭಾಗದಲ್ಲೂ ದೂರದರ್ಶನ ಮತ್ತು ರೇಡಿಯೋ ಸ್ಟೇಷನ್ ಪ್ರಾರ೦ಭಿಸುವುದಾಗಿ ಸಚಿವೆ ಅ೦ಬಿಕಾ ಸೋನಿ ಭರವಸೆ ನೀಡಿದ್ದಾರೆ ಎಂದರು.

(ದಟ್ಸ್ ಕನ್ನಡ ವಾರ್ತೆ)