ಭಾರತೀಯ ವಾಯುಪಡೆ ವಿಮಾನ ಅಪಘಾತ

ಶಿಲ್ಲಾಂಗ್, ಜೂ. 10 : ಭಾರತೀಯ ವಾಯುಪಡೆಗೆ ಸೇರಿದ ಎಎನ್ 32 ಸಾರಿಗೆ ವಿಮಾನ ಅರುಣಾಚಲ ಪ್ರದೇಶದಲ್ಲಿ ಚೀನಾ ಗಡಿಗೆ ಸಮೀಪ ಮಂಗಳವಾರ ಮಧ್ಯಾಹ್ನದಿಂದ ನಾಪತ್ತೆಯಾದ ವರದಿಯಾಗಿದೆ. ವಿಮಾನದಲ್ಲಿ ಇಬ್ಬರು ಹಿರಿಯ ಅಧಿಕಾರಿಗಳು ಸೇರಿ 13 ಮಂದಿ ಸೇನೆಪಡೆಯ ಯೋಧರು ಮೃತಪಟ್ಟಿರುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

ಅರುಣಾಚಲ ಪ್ರದೇಶದ ಪಶ್ಚಿಮ ಶಿಯಾಂಗ್ ಜಿಲ್ಲೆಯ ಮೆಚುಕಾ ಎಂಬಲ್ಲಿಂದ ವಿಮಾನ ಹಾರಾಟ ಆರಂಭಿಸಿದ ಸ್ವಲ್ಪ ಹೊತ್ತಿನಲ್ಲೇ ನಾಪತ್ತೆಯಾದ ವರದಿಯಾಗಿದೆ. ಅರುಣಾಚಲ ಪ್ರದೇಶದಲ್ಲಿ ಸೇನೆಗೆ ಆಹಾರ ಸಾಮಗ್ರಿ ಪೂರೈಸಿ ಅಸ್ಸಾಂನ ಜೋಹರ್ಟ್ ಗೆ ವಿಮಾನ ವಾಪಾಸಾಗುತ್ತಿತ್ತು. ನಾಪತ್ತೆಯಾಗಿರುವ ವಿಮಾನ ಹುಡುಕಾಟ ಆರಂಭವಾಗಿದೆ. ಸದ್ಯ ಆ ಕುರಿತು ಪ್ರತಿಕ್ರಿಯೆ ನೀಡಲು ಸಾಧ್ಯವಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

(ಏಜನ್ಸೀಸ್)