ಗುರುಗಾಂವ್, ಸಹಪಾಠಿಗಳಿಂದ ವಿದ್ಯಾರ್ಥಿಗೆ ಥಳಿತ

ಗುರಗಾಂವ್, ಮಾ. 16 : ಹಿಮಾಚಲ ಪ್ರದೇಶದ ವೈದ್ಯಕೀಯ ಕಾಲೇಜ್ ಹಾಗೂ ಆಂಧ್ರಪ್ರದೇಶದ ಕೃಷಿ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ನಡೆದ ರ‌್ಯಾಗಿಂಗ್ ಘಟನೆಗಳು ಮಾಸುವೇ ಮುನ್ನವೇ ಸಹಪಾಠಿಗಳು ಮಾಡಿದ ಅಮಾನುಷವಾದ ರ‌್ಯಾಗಿಂಗ್ ಗೆ ವಿದ್ಯಾರ್ಥಿಯೊಬ್ಬ ತೀವ್ರವಾಗಿ ಗಾಯಗೊಂಡಿರುವ ಘಟನೆ ಗುರಗಾಂವ್ ನ ಅನುಪಮ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಸೋಮವಾರ ನಡೆದಿದೆ.

ಅಂತಿಮ ವರ್ಷದ ಇಂಜಿನಿಯರಿಂಗ್ ಕಾಲೇಜ್ ನ 22 ಹರೆಯದ ನಿಶಾಂತ್ ಗಾರ್ಸಾ ಗಾಯಗೊಂಡದುರ್ದೈವಿಯಾಗಿದ್ದಾನೆ. ಎಲೆಕ್ಟ್ರಾನಿಕ್ ಅಂಡ್ ಕಮ್ಯುನಿಕೇಷನ್ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿದ್ದ ನಿಶಾಂತ್ ಸ್ನೇಹಿತರೇ ಹಾಗೂ ಆತನ ಜ್ಯೂನಿಯರ್ಸ್ ತೀವ್ರವಾಗಿ ಥಳಿಸಿದ್ದಾರೆ. ನಿಶಾಂತ್ ಹೊಟ್ಟೆ, ಎದೆ ಹಾಗೂ ಗುಪ್ತಾಂಗಗಳ ಮೇಲೆ ಬಲವಾದ ಏಟು ಬಿದ್ದ ಪರಿಣಾಮ ಆತನ ಸ್ಥಿತಿ ಚಿಂತಾಜನಕವಾಗಿದೆ ಎನ್ನಲಾಗಿದೆ.

(ದಟ್ಸ್ ಕನ್ನಡ ವಾರ್ತೆ)

ಪೂರಕ ಓದಿಗೆ: ರ‌್ಯಾಗಿಂಗ್, ಆಂಧ್ರ ವಿದ್ಯಾರ್ಥಿನಿ ಆತ್ಮಹತ್ಯೆಗೆ ಯತ್ನ