ಒಬಾಮಾ ಪ್ರಮಾಣ ವಚನಕ್ಕೆ ಬೆಂಗ್ಳೂರ್ ಹುಡ್ಗ

ಬೆಂಗಳೂರು, ಜ.16 : ವಿಶ್ವದ ಗಮನ ಸೆಳೆಯಲಿರುವ ಅಮೆರಿಕದ ನೂತನ ಅಧ್ಯಕ್ಷ ಬರಾಕ್ ಒಬಾಮಾ ಅವರ ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೆ ಜಗತ್ತಿನ ಪ್ರಮುಖ ದೇಶಗಳ ಮುಖಂಡರು ಈ ಐತಿಹಾಸಿಕ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ಜನವರಿ 20 ಮಂಗಳವಾರದಂದು ಕಪ್ಪು ವರ್ಣದ ವ್ಯಕ್ತಿ ಜಗತ್ತಿನ ದೊಡ್ಡಣ್ಣನ ಸ್ಥಾನದಲ್ಲಿರುವ ಅಮೆರಿಕದ ಅಧಿಕಾರ ಸೂತ್ರ ಹಿಡಿಯುವ ಗಳಿಗೆಗಾಗಿ ಕೋಟ್ಯಂತರ ಮಂದಿ ಕಾತುರದಿಂದ ಕಾಯತೊಡಗಿದ್ದಾರೆ.

ಬೆಂಗಳೂರಿನ ರಾಹುಲ್ ಮೆನನ್(21)ಗೆ ಬರಾಕ್ ಒಬಾಮಾ ಅಧಿಕಾರಿ ಸ್ವೀಕಾರ ಸಮಾರಂಭಕ್ಕೆ ಅಮೆರಿಕದ ವೈಟ್ ಹೌಸ್ ನಿಂದ ಅಧಿಕೃತ ಕರೆ ಬಂದಿದೆ. ಈ ಕರೆಗೆ ಮೂಲ ಕಾರಣವೆಂದರೆ, ಬರಾಕ್ ಒಬಾಮಾ ವ್ಯಾಸಂಗ ಮಾಡಿರುವ ಕಾಲೇಜಿನಲ್ಲಿ ಬೆಂಗಳೂರಿನ ರಾಹುಲ್ ಮೆನನ್ ಕೂಡ ವ್ಯಾಸಂಗ ಮಾಡುತ್ತಿರುವುದು ಈ ಕರೆ ಬರಲು ಏಕೈಕ ಕಾರಣವಾಗಿದೆ.

ವಾಷಿಂಗ್ ಟನ್ ಗೆ ತೆರಳಿಲು ಎಲ್ಲ ಸಿದ್ದತೆಯಲ್ಲಿರುವ ರಾಹುಲ್ ಮೆನನ್ ಈ ಕರೆ ಅತೀವ ಸಂತೋಷ ಉಂಟು ಮಾಡಿದೆ. ಬರಾಕ್ ಒಬಾಮಾ ಅವರ ಐತಿಹಾಸಿಕ ಗೆಲುವಿಗೆ ಅಪಾರ ಸಂತಸ ವ್ಯಕ್ತಪಡಿಸುವ ರಾಹುಲ್, ಉತ್ತಮ ಆಡಳಿತ ನೀಡುವ ಭರವಸೆ ನೀಡುತ್ತಾರೆ ಎಂದು ತನ್ನ ಅಭಿಪ್ರಾಯ ವ್ಯಕ್ತಪಡಿಸುತ್ತಾನೆ. ಸದ್ಯ ಅಮೆರಿಕ ಸೇರಿದಂತೆ ಜಗತ್ತಿನ ಹಣಕಾಸು ಸ್ಥಿತಿ ತುಂಬಾ ಹದಗೆಟ್ಟು ಹೋಗಿದೆ. ಇಂತಪ ಕ್ಲಿಷ್ಟಕರ ಸಂದರ್ಭವನ್ನು ಹೇಗೆ ನಿಭಾಯಿಸುತ್ತೀರಿ ಎಂದು ಒಬಾಮಾ ಅವರನ್ನು ಕೇಳುವುದು ನನ್ನ ಮೊದಲ ಪ್ರಶ್ನೆಯಾಗಿದೆ ಎಂದು ರಾಹುಲ್ ಹೇಳುತ್ತಾನೆ. ಅಮೆರಿಕ ಲಾಸ್ ಎಂಜಲ್ಸ್ ನ ಆಕ್ಸಿಡೆಂಟಲ್ ಕಾಲೇಜಿನಲ್ಲಿ ಅರ್ಥಶಾಸ್ತ್ರ ಪದವಿ ಪಡೆದಿರುವ ರಾಹುಲ್ ಈಗ ಬೆಂಗಳೂರಿನಲ್ಲಿ ನೆಲೆಸಿದ್ದಾನೆ.

(ದಟ್ಸ್ ಕನ್ನಡ ವಾರ್ತೆ)