ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಉಪ ಚುನಾವಣೆಯಲ್ಲಿ ಸೋರೆನ್ ಗೆ ಸೋಲು
ಜಾರ್ಖಂಡ್, ಜ.8: ಜಾರ್ಖಂಡ್ ಮುಖ್ಯಮಂತ್ರಿ, ಜಾರ್ಖಂಡ್ ಮುಕ್ತಿ ಮೋರ್ಚಾ ಅಧ್ಯಕ್ಷ ಶಿವು ಸೋರೇನ್ ಉಪ ಚುನಾವಣೆಯಲ್ಲಿ ಹೀನಾಯವಾಗಿ ಸೋತಿದ್ದಾರೆ.
ಸೋರೆನ್ ಅವರು ತಮಂಡ್ ವಿಧಾನಸಭಾ ಕ್ಷೇತ್ರದಿಂದ ಉಪ ಚುನಾವಣೆಗೆ ಸ್ಪರ್ಧಿಸಿದ್ದರು. ಗುರುವಾರ ನಡೆದ ಮತಎಣಿಕೆ ಕಾರ್ಯದಲ್ಲಿ ಸೋರೆನ್ ಸೋತು ಸುಣ್ಣವಾಗಿದ್ದಾರೆ. ಆರಂಭದಿಂದಲೂ ಪ್ರತಿ ಸುತ್ತಿನಲ್ಲೂ ಸೋರೆನ್ ಭಾರಿ ಮತಗಳ ಅಂತರದಲ್ಲಿದ್ದರು. ಕೊನೆಯ ಸುತ್ತಿನ ವೇಳೆಗೆ 9 ಸಾವಿರ ಮತಗಳ ಅಂತರದಿಂದ ಸೋಲುಂಡರು. ಜಾರ್ಖಂಡ್ ಪಕ್ಷದ ಅಭ್ಯರ್ಥಿ ಗೋಪಾಲ ಕೃಷ್ಣ ಪತಾರ್ ಗೆಲುವು ಸಾಧಿಸಿದರು.
ಉಪಚುನಾವಣೆ ಜ.3ರಂದು ನಡೆದಿತ್ತು.ಜೆಡಿ(ಯು) ಅಭ್ಯರ್ಥಿ ರಮೇಶ್ ಸಿಂಗ್ ಮುಂಡಾ ಅವರನ್ನು ಮಾವೋವಾದಿಗಳು ಜುಲೈ 9ರಂದು ಗುಂಡಿಕ್ಕಿ ಕೊಂದಿದ್ದರು. ಹಾಗಾಗಿ ತಮಂಡ್ ವಿಧಾನಸಭಾ ಕ್ಷೇತ್ರ ತೆರವಾಗಿತ್ತು.
(ಏಜೆನ್ಸೀಸ್)
Comments
Story first published: Thursday, January 8, 2009, 16:03 [IST]