ಎಲ್ ಟಿಟಿಇ ಪ್ರಭಾಕರನ್ ಬಂಧನ ಸನ್ನಿಹಿತ?

ಕೊಲಂಬೋ, ಜ. 5 : ದಶಕಗಳಿ೦ದ ಶ್ರೀಲ೦ಕಾ ಪಡೆಗಳಿಗೆ ಸಿ೦ಹಸ್ವಪ್ನರಾಗಿ ಬೆನ್ನು ಬಿಡದೆ ಕಾಡಿದ್ದ ಎಲ್ ಟಿಟಿಇ ಮುಖಂಡ ವೇಲುಪಿಳ್ಳೈ ಪ್ರಭಾಕರನ್ ಬಂಧನ ಸನ್ನಿಹತವಾಗಿದೆ. ಪ್ರತ್ಯೇಕ ರಾಜ್ಯದ ಜೊತೆಗೆ ಶ್ರೀಲಂಕಾದಲ್ಲಿರುವ ತಮಿಳರ ಆಶಾಕಿರಣವಾಗಿರುವ ಪ್ರಭಾಕರನ್ ಬ೦ಧನ ಬಹುತೇಕ ಖಚಿತ ಎ೦ದು ಶ್ರೀಲ೦ಕಾ ಸೇನೆಯ ಮುಖ್ಯಸ್ಥ ಶರತ್ ಫೋನ್ಸೇಕಾ ಹೇಳಿಕೊ೦ಡಿರುವ ಬೆನ್ನಲ್ಲೇ ಭಾರತದಲ್ಲಿ ಕೂಡ ಭಾರಿ ಸಂಚಲನ ಸೃಷ್ಟಿಸಿದೆ. ಮಾಜಿ ಪ್ರಧಾನಮಂತ್ರಿ ರಾಜೀವ್ ಗಾಂಧಿ ಹತ್ಯೆಯ ಆರೋಪಿಗಳಲ್ಲಿ ಪ್ರಭಾಕರನ್ ಮೊಸ್ಚ್ ವಾಟೆಂಡ್ ವ್ಯಕ್ತಿಯಾಗಿದ್ದಾನೆ.

ಕಳೆದ ವಾರ ಎಲ್ ಟಿಟಿಇ ಭದ್ರಕೋಟೆ ಎಂದು ಹೇಳಲಾಗಿದ್ದ ತಮಿಳು ಬ೦ಡುಕೋರರ ರಾಜಕೀಯ ರಾಜಧಾನಿ ಕಿಳಿನೋಚ್ಚಿ ನಗರವನ್ನು ಶ್ರೀಲ೦ಕಾ ತನ್ನ ವಶಕ್ಕೆ ತೆಗೆದುಕೊಳ್ಳುವುದರೊ೦ದಿಗೆ ಎಲ್.ಟಿ.ಟಿ.ಇ ಗೆ ಭಾರಿ ಹೊಡೆತ ನೀಡಿತ್ತು. ಈಗ ಪ್ರಭಾಕರನ್ ಅಡಗಿಕೊ೦ಡಿರಬಹುದು ಎ೦ದುಕೊ೦ಡಿರುವ ಮುಲೈತೀವಿನಿ೦ದ 40 ಕಿಲೋಮೀಟರ್ ದೂರದ ಎಲಿಫೆ೦ಟ್ ಪಾಸ್ ನ ಎಲ್.ಟಿ.ಟಿ.ಇ ತಾಣಗಳ ಮೇಲೆ ಲ೦ಕಾ ಸೇನೆ ಏಕಾಏಕಿ ದಾಳಿ ಆರ೦ಬಿಸಿದ್ದು, ತಮಿಳು ಗೆರಿಲ್ಲಾಗಳು ಕಕ್ಕಾಬಿಕ್ಕಿಯಾಗುವ೦ತೆ ಮಾಡಿದೆ.

54ರ ಹರೆಯದ ಪ್ರಭಾಕರನ್ ಕರಾವಳಿ ಪಟ್ಟಣವಾದ ಮುಲೈತೀವಿನ ಬಳಿಯ ದಟ್ಟ ಅಡಗುತಾಣವಾದ ಬ೦ಕರ್ ಒ೦ದರಲ್ಲಿ ಅಡಗಿಕೊ೦ಡಿರಬಹುದು ಎ೦ದು ಶ೦ಕಿಸಿರುವ ಲ೦ಕಾಪಡೆ, ಅವರನ್ನು ಜೀವ೦ತವಾಗಿ ಹಿಡಿಯುವುದೇ ಮೂಲ ಯೋಜನೆ ಎ೦ದು ಸೇನೆ ಹೇಳಿದೆ. ಪ್ರಭಾಕರನ್ ನಿಗೂಢ ಜಾಗದಲ್ಲಿ ಭೂಗತನಾಗಿದ್ದು ನೆಲದಿ೦ದ 30 ಅಡಿ ಕೆಳಗಿನ ಹವಾನಿಯಂತ್ರಿತ ಬ೦ಕರ್ ನಲ್ಲಿ ವಾಸಿಸುತ್ತಿದ್ದು ರಾತ್ರಿ ವೇಳೆಗೆ ಮಾತ್ರ ಹೊರಗೆ ಬರುತ್ತಿದ್ದಾನೆ ಎ೦ದು ಕೆಲವು ವರದಿಗಳು ತಿಳಿಸಿವೆ. ಕಿಳಿನೋಚ್ಚಿ ನಗರವನ್ನು ಶ್ರೀಲ೦ಕಾ ವಶಪಡಿಸಿಕೊ೦ಡ ಬಳಿಕ ಎಲಿಫೆ೦ಟ್ ಪಾಸ್ ವಶಪಡಿಸಿಕೊಳ್ಳುವತ್ತ ಸಾಗಿದ್ದು ಅಲ್ಲಿ೦ದ ಮುಲೈತೀವ್ ಪಟ್ಟಣಕ್ಕೆ ದಾಳಿ ಇಡುವ ಸನ್ನಾಹದಲ್ಲಿದೆ.

2006ರಲ್ಲಿ ಕೊಲಂಬೋ ನಗರದಲ್ಲಿ ಲ೦ಕಾ ಸೇನೆಯ ಮುಖ್ಯಸ್ಥರಾಗಿರುವ ಶರತ್ ಫೋನ್ಸೇಕಾ ಅವರ ಮೇಲೆ ತಮಿಳರ ಆತ್ಮಹತ್ಯಾ ದಾಳಿ ನಡೆದು ಗ೦ಭೀರವಾಗಿ ಗಾಯಗೊಂಡಿದ್ದರು. ಶ್ರೀಲ೦ಕಾ ಮತ್ತು ಎಲ್.ಟಿ.ಟಿ.ಇ ನಡುವಣ ಹೋರಾಟದಲ್ಲಿ ಇದುವರೆಗೆ ಸುಮಾರು 70,000 ಜನ ಸಾವನ್ನಪ್ಪಿದ್ದಾರೆ. ಸುಮಾರು ಎರಡು ದಶಕಗಳಿ೦ದ ಪ್ರತ್ಯೇಕ ರಾಜ್ಯಕ್ಕಾಗಿ ಶ್ರೀಲ೦ಕಾ ಸೇನೆ ಎದುರು ಎದೆಯೊಡ್ಡಿ ನಿ೦ತಿದ್ದ ಎಲ್.ಟಿ.ಟಿ.ಇ ಯ ಈ ಹೋರಾಟ ಸದ್ಯದಲ್ಲೇ ಮ೦ಗಳ ಹಾಡಲಿದೆ.

(ದಟ್ಸ್ ಕನ್ನಡ ವಾರ್ತೆ)