ಇನ್ಫೋಸಿಸ್‌ ಸಿಡಿಸಲು ಸಂಚು ನಡೆಸಿದ್ದ ಉಗ್ರರ ಬಂಧನ

ಮೈಸೂರು : ಗುರುವಾರ ರಾತ್ರಿ ನಡೆದ ಪೊಲೀಸರ ಕಾರ್ಯಾಚರಣೆಯಲ್ಲಿ ಪಾಕಿಸ್ತಾನ ಮೂಲದ ಇಬ್ಬರು ಉಗ್ರಗಾಮಿಗಳನ್ನು ಬಂಧಿಸಲಾಗಿದೆ.

ಬಂಧಿತರನ್ನು ಮಹಮದ್‌ ಫಯಾಜ್‌(24) ಮತ್ತು ಆಲಿಫ್‌ ಹುಸೇನ್‌(25) ಎಂದು ಗುರ್ತಿಸಲಾಗಿದೆ.

ನಗರದ ಭಾರತ್‌ ಕ್ಯಾನ್ಸರ್‌ ಆಸ್ಪತ್ರೆ ಸಮೀಪದ ಇನಕಲ್‌-ಬೆಂಗಳೂರು ವರ್ತುಲ ರಸ್ತೆಯಲ್ಲಿ ದ್ವಿಚಕ್ರವಾಹನದಲ್ಲಿ ಉಗ್ರರು ಪ್ರಯಾಣಿಸುತ್ತಿದ್ದರು. ಉಗ್ರರ ಬೆನ್ನಟ್ಟಿ, ಕೇಂದ್ರ ಅಪರಾಧ ದಳದ ಪೊಲೀಸರು ಬಂಧಿಸಿದ್ದಾರೆ.

ಈ ಸಂದರ್ಭದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಪೊಲೀಸರಿಗೆ ಗಾಯಗಳಾಗಿವೆ.

ಇನ್ಫೋಸಿಸ್‌ ಸೇರಿದಂತೆ ನಗರದ ಪ್ರಮುಖ ಕೈಗಾರಿಕಾ ಕೇಂದ್ರಗಳ ಮೇಲೆ ದಾಳಿಗೆ ಉಗ್ರರು ಸಂಚು ರೂಪಿಸಿದ್ದರು ಎನ್ನಲಾಗಿದೆ. ಉಗ್ರರಿಂದ ಸ್ಯಾಟಲೈಟ್‌ ಫೋನ್‌ ಮತ್ತು ಕೆಲವು ದಾಖಲೆ ಪತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ.

(ದಟ್ಸ್‌ ಕನ್ನಡ ವಾರ್ತೆ)