ಉತ್ತರ ಕನಾಟಕದ ಅಭಿವೃದ್ಧಿಗೆ 1,800 ಕೋಟಿ ನೆರವು

ಉತ್ತರ ಕನಾಟಕದ ಅಭಿವೃದ್ಧಿಗೆ 1,800 ಕೋಟಿ ನೆರವು
ನಿರ್ಲಕ್ಷಿತ ಪ್ರದೇಶಕ್ಕೆ ಹರಿದು ಬರಲಿದೆ ಧನದ ಮಹಾಪೂರ...!

ಉತ್ತರ ಕರ್ನಾಟಕ ಭಾಗದ 25ನಗರ ಹಾಗೂ ಪಟ್ಟಣಗಳ ಸಮಗ್ರಅಭಿವೃದ್ಧಿಗೆ ಏಷ್ಯಾ ಅಭಿವೃದ್ಧಿ ಬ್ಯಾಂಕ್‌ 1,800 ಕೋಟಿ ರೂಪಾಯಿಗಳ ನೆರವು ನೀಡಲಿದೆ.

ಈ ಕುರಿತು ರಾಜ್ಯ ಸಚಿವ ಸಂಪುಟ ಸಭೆ ಅನುಮೋದನೆ ನೀಡಿದೆ ಎಂದು ವಾರ್ತಾ ಸಚಿವ ಬಿ.ಶಿವರಾಂ ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು. ಒಂದು ಪಟ್ಟಣ ಪಂಚಾಯತಿ, 4 ಮಹಾನಗರ ಪಾಲಿಕೆಗಳು, 14 ನಗರ ಸಭೆ, 6 ಪಟ್ಟಣ ಸಭೆಗಳು ಈ ಯೋಜನೆಯ ವ್ಯಾಪ್ತಿಗೆ ಸೇರಿವೆ. ಒಟ್ಟು 25 ನಗರ ಹಾಗೂ ಪಟ್ಟಣಗಳ ಮೂಲಭೂತ ಸೌಲಭ್ಯ ಅಭಿವೃದ್ಧಿಪಡಿಸಲು ಈ ನೆರವು ಪಡೆಯಲಾಗುತ್ತಿದೆ.

ಯೋಜನೆಗೆ ವೆಚ್ಚವಾಗುವ ಒಟ್ಟು ಹಣದಲ್ಲಿ ಶೇಕಡಾ 25 ರಷ್ಟನ್ನು ಅಂದರೆ 440 ಕೋಟಿ ರೂಪಾಯಿಗಳನ್ನು ರಾಜ್ಯ ಸರ್ಕಾರ ಭರಿಸಲಿದೆ. ಶೇಕಡಾ 8 ರಷ್ಟು ಮೊತ್ತವನ್ನು ಯೋಜನೆಯ ಲಾಭ ಪಡೆಯುವ ಸಂಸ್ಥೆಗಳು ಭರಿಸಬೇಕಿದೆ ಎಂದು ಶಿವರಾಂ ತಿಳಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು