• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವರ್ಷದೊಳಗೊಂದು ಪವಾಡ : ಮಾಗೋಡಿನ ಹಸಿರು ಕ್ರಾಂತಿಯ ಕತೆ

By Staff
|

ವರ್ಷದೊಳಗೊಂದು ಪವಾಡ : ಮಾಗೋಡಿನ ಹಸಿರು ಕ್ರಾಂತಿಯ ಕತೆ

ಅಸಾಧ್ಯಗಳನ್ನು ಸಾಧ್ಯಮಾಡಲು ನೀಡ್ಸ್‌ ಪಟ್ಟ ಕಷ್ಟ ಬವಣೆಗಳು ಹತ್ತಾರು

ಬೆಂಗಳೂರು : ಹಾವೇರಿ ಜಿಲ್ಲೆಯ ರಾಣಿಬೆನ್ನೂರು ಸಮೀಪದ ಮಾಗೋಡು ಒಂದು ಪುಟ್ಟ ಗ್ರಾಮ. ಕೇವಲ ಕಲ್ಲು ಗುಂಡುಗಳ ಈ ಬಂಜರು ಭೂಮಿಯಲ್ಲಿಂದು ಸಾವಿರಾರು ಮರಗಿಡಗಳು ಎದ್ದು ನಿಂತು ಹಸಿರು ಕ್ರಾಂತಿಯ ಕತೆ ಹೇಳುತ್ತಿವೆ. ಶ್ರಮಕ್ಕೆ ತಕ್ಕ ಪ್ರತಿಫಲ ದೊರಕುತ್ತದೆ ಎನ್ನುವ ಮಾತಿಗೆ ಮಾಗೋಡು ಸೂಕ್ತ ನಿದರ್ಶನ.

ವರ್ಷದ ಹಿಂದೆ ಇಲ್ಲಿನ 300 ಎಕರೆಗಳ ಈ ಪ್ರದೇಶ ಗೋಮಾಳವಾಗಿತ್ತು. ಸರ್ಕಾರೇತರ ಸಂಘಟನೆಯ ಶ್ರಮದ ಪರಿಣಾಮ ಮಾಗೋಡು ಎಲ್ಲರ ಗಮನವನ್ನು ಸೆಳೆದಿದೆ. ನವೋದಯ ಶಿಕ್ಷಣ ಮತ್ತು ಪರಿಸರ ಅಭಿವೃದ್ಧಿ ಸಂಸ್ಥೆ(ನೀಡ್ಸ್‌) ಈ ಗ್ರಾಮದತ್ತ ಅಂದು ಕಣ್ಣಾಡಿಸಿತು. ವಿಶ್ವಬ್ಯಾಂಕ್‌ನ ಸುಜಲ ಜಲಾನಯನ ಯೋಜನೆಯನ್ನು ನೀಡ್ಸ್‌ ನಿರ್ವಹಿಸಬೇಕಾಗಿತ್ತು.

ಹಸಿರು ಕ್ರಾಂತಿ : ನೀಡ್ಸ್‌ನ ಸದಸ್ಯರು ಮಾಗೋಡಿನ ವ್ಯರ್ಥವಾದ ಬಂಜರು ಭೂಮಿಯಲ್ಲಿ ಸಸಿಗಳನ್ನು ನೆಡಲು ಉತ್ಸಾಹದಿಂದ ಮುಂದಾದರು. ಈ ಸಂದರ್ಭದಲ್ಲಿ ಕೆಲವು ಗ್ರಾಮಸ್ಥರ ವಿರೋಧವನ್ನು ಎದುರಿಸಬೇಕಾಯಿತು. ಗ್ರಾಮದ ಜಾನುವಾರುಗಳು ಹುಲ್ಲು ಮೇಯುತ್ತ ಸುತ್ತಾಡಲು ಅನುಕೂಲವಾಗಿದ್ದ ಈ ಭೂಮಿ ಕೈತಪ್ಪುವುದಲ್ಲ ಎನ್ನುವ ಆತಂಕ ಗ್ರಾಮಸ್ಥರಲ್ಲಿತ್ತು.

ಸಸಿಗಳ ಬೆಳವಣಿಗೆಯಿಂದ ಸಾಕಷ್ಟು ಆದಾಯ ಹಾಗೂ ಅನುಕೂಲಗಳನ್ನು ಗ್ರಾಮಸ್ಥರಿಗೆ ನೀಡ್ಸ್‌ ವಿವರಿಸಿತು. ವಿಶ್ವಬ್ಯಾಂಕ್‌ಗೆ ಕ್ರಿಯಾ ವರದಿ ಸಲ್ಲಿಸಬೇಕಾಗಿದೆ. ಹೀಗಾಗಿ ಸಸಿಗಳನ್ನು ನೆಡಲು ಹದಿನೈದು ಎಕರೆಗಳನ್ನು ಮಾತ್ರ ಬಳಸಿಕೊಳ್ಳುತ್ತೇವೆ ಎಂದು ನೀಡ್ಸ್‌ ಮನವೊಲಿಸಿತ್ತು. ಮನವರಿಕೆಯಾದ ನಂತರ ಗ್ರಾಮಸ್ಥರು ಸಮ್ಮತಿಸಿದರು. ಅರಣ್ಯ ಇಲಾಖೆಯ ನೆರವು ಪಡೆದು ನೀಡ್ಸ್‌ ತನ್ನ ಕೆಲಸ ಪ್ರಾರಂಭಿಸಿತು.

ಸಸಿಗಳನ್ನು ಎನ್‌ಜಿಓಗಳ ಸಹಕಾರದಿಂದ ಬಂಜರು ಭೂಮಿಯಲ್ಲಿ ನೆಡಲಾಯಿತು. ನೀಡ್ಸ್‌ 30 ಹೆಕ್ಟೇರ್‌ನಲ್ಲಿ ಸಸಿಗಳನ್ನು ಬೆಳೆಸಿದೆ. ವಿಶ್ವಬ್ಯಾಂಕ್‌ ನೆರವಿನಿಂದ ಕೆರೆಗಳ ಹೂಳೆತ್ತವುದು, 26 ಮೀಟರ್‌ ಮಣ್ಣಿನ ತಡೆಗೋಡೆ, ಇಂಗು ಗುಂಡಿಗಳು, ಹಳೆಯ ಟ್ಯಾಂಕ್‌ ಗಳ ದುರಸ್ಥಿ, ಹೊಸ ಟ್ಯಾಂಕ್‌ಗಳ ನಿರ್ಮಾಣ, ಪರಿಸರ ರಕ್ಷಣೆ ಮತ್ತಿತರ ಯೋಜನೆಗಳನ್ನು ಯಶಸ್ವಿಯಾಗಿ ನೀಡ್ಸ್‌ ನಿಭಾಯಿಸಿದೆ.

ಸಹಕಾರ : ಗ್ರಾಮಸ್ಥರು,ಯುವಕರು ಮತ್ತು ಮಹಿಳೆಯರ ಸಹಕಾರವಿದ್ದರೆ ಏನನ್ನೂ ಬೇಕಾದರೂ ಸಾಧಿಸಬಹುದು ಎನ್ನುವುದಕ್ಕೆ ಇಲ್ಲಿ ಬೆಳೆಸಲಾಗಿರುವ ಅಸಂಖ್ಯ ಗಿಡಗಳೇ ನಿದರ್ಶನ. ನಲವತ್ತು ಮಂದಿ 35 ದಿನಗಳ ಕಾಲ ವಿವಿಧ ಸಸಿಗಳನ್ನು ಇಲ್ಲಿ ನೆಡಲು ಶ್ರಮಿಸಿದ್ದಾರೆ. 2600ಕ್ಕೂ ಅಧಿಕ ವೈವಿಧ್ಯಮಯ ಸಸಿಗಳು ಇಲ್ಲಿವೆ. ಗಿಡಗಳಿಗೆ ನಿರಂತರ ನೀರು ಪೂರೈಕೆಗೆ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು ನೀಡ್ಸ್‌ ಅಧ್ಯಕ್ಷ ಎಸ್‌.ಎಲ್‌. ಪವರ್‌ ಅಭಿಪ್ರಾಯಪಟ್ಟಿದ್ದಾರೆ.

(ಏಜನ್ಸಿಸ್‌)

Post your views

ಮುಖಪುಟ / ವಾಟ್ಸ್‌ ಹಾಟ್‌

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more