ಅಯೋಧ್ಯೆ ವಿವಾದಿತ ಕಟ್ಟಡ ಕೆಡವಲು ನಮ್ಮ ವಿರೋಧವಿತ್ತು: ಬಿಜೆಪಿ

ಅಯೋಧ್ಯೆ ವಿವಾದಿತ ಕಟ್ಟಡ ಕೆಡವಲು ನಮ್ಮ ವಿರೋಧವಿತ್ತು: ಬಿಜೆಪಿ
ಲಿಬರ್ಹಾನ್‌ ಆಯೋಗಕ್ಕೆ ಲಿಖಿತ ಹೇಳಿಕೆ ಸಲ್ಲಿಸಿದ ಬಿಜೆಪಿ

ಅಯೋಧ್ಯೆಯ ವಿವಾದಿತ ಕಟ್ಟಡ ಕೆಡವಲು ತನ್ನ ವಿರೋಧವಿತ್ತು ಎಂದು ಭಾರತೀಯ ಜನತಾ ಪಕ್ಷ ಲಿಬರ್ಹಾನ್‌ ಆಯೋಗಕ್ಕೆ ತಿಳಿಸಿದೆ. ಈ ಕುರಿತ ರಹಸ್ಯ ಮಾತುಕತೆಯಲ್ಲಿ ಪಕ್ಷದ ಯಾವುದೇ ಸದಸ್ಯರು ಪಾಲ್ಗೊಂಡಿಲ್ಲ ಎಂದು ಆಯೋಗಕ್ಕೆ ಲಿಖಿತ ಹೇಳಿಕೆ ನೀಡಿದೆ.

ಪಕ್ಷ ಮತ್ತು ಪಕ್ಷದ ನಾಯಕರು ವಿವಾದಿತ ಕಟ್ಟಡ ಕೆಡವುವಲ್ಲಿ ಭಾಗಿಯಾಗಿದ್ದಾರೆಂದು ನಿರ್ಧರಿಸಲು ಸಾಧ್ಯವಿಲ್ಲ . ಈ ದುರಂತವು ದುರದೃಷ್ಟಕರ ಮತ್ತು ನಿಯಂತ್ರಣ ತಪ್ಪಿದ ಕಾರಣ ನಡೆದಿದೆ. ಬಿಜೆಪಿ ಯಾವತ್ತೂ ಈ ಕಟ್ಟಡ ಕೆಡವಲು ಬಯಸಿಲ್ಲ ಎಂದು ಬಿಜೆಪಿ ಪರ ವಕೀಲ ಸತ್ಯಪಾಲ್‌ ಜೈನ್‌ ಹೇಳಿದರು.

ಅವರು ಡಿಸೆಂಬರ್‌2, 1992ರ ಘಟನೆ ಕುರಿತು ವಿಚಾರಣೆ ನಡೆಸುತ್ತಿರುವ ಲಿಬರ್ಹಾನ್‌ ಆಯೋಗಕ್ಕೆ ಲಿಖಿತ ವರದಿ ಸಲ್ಲಿಸಿದ ಬಳಿಕ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸುತ್ತಿದ್ದರು.

(ಪಿಟಿಐ)

ಮುಖಪುಟ / ವಾರ್ತೆಗಳು