ಮೈಸೂರಿನ ಜಗನ್ಮೋಹನ ಅರಮನೆಯಲ್ಲಿ ಪಾರಂಗತೋತ್ಸವ-2001

ಮೈಸೂರು : ನಾಲ್ಕು ದಿನಗಳ ಪಾರಂಗತೋತ್ಸವ-2001 ಕಾರ್ಯಕ್ರಮವನ್ನು ವಸುಂಧರಾ ಕಲಾ ಕೇಂದ್ರವು ಜಗನ್ಮೋಹನ ಅರಮನೆಯಲ್ಲಿ ಆಯೋಜಿಸಿರುವುದಾಗಿ ಪ್ರಕಟಿಸಿದೆ.

ಡಿಸೆಂಬರ್‌ 28ರಂದು ಆರಂಭವಾಗುವ ಈ ಉತ್ಸವದಲ್ಲಿ ಕಲಾ ಕೇಂದ್ರವು ಭರತನಾಟ್ಯ ಪಟು, ಕರ್ನಾಟಕ ಕಲಾ ತಿಲಕ ಮಾಧವ ರಾವ್‌ ಅವರಿಗೆ ‘ನೃತ್ಯ ಸುಂದರ’ ಬಿರುದು ಹಾಗೂ ಚಿನ್ನದ ಪದಕ ನೀಡಿ ಸನ್ಮಾನಿಸಲಿದೆ ಎಂದು ಕಲಾ ಕೇಂದ್ರದ ನಿರ್ವಹಣಾ ಟ್ರಸ್ಟಿ ಟಿ.ಆರ್‌. ಹರೀಶ್‌ ತಿಳಿಸಿದ್ದಾರೆ.

ನಾಲ್ಕು ದಿನಗಳ ಕಾಲ ನಡೆಯುವ ಪಾರಂಗತೋತ್ಸವದಲ್ಲಿ , ಕರ್ನಾಟಕ ಶಾಸ್ತ್ರೀಯ ಹಾಡುಗಾರಿಕೆಯಲ್ಲಿ ಹೆಸರು ಮಾಡಿದ ಕೇರಳದ ವಿದುಷಿ ನಾಗಮಣಿ ಶ್ರೀನಿವಾಸ್‌, ಸರೋಜಾ ವೈದ್ಯನಾಥನ್‌ ಮತ್ತು ದೆಹಲಿಯ ಶಾಸ್ತ್ರೀಯ ಗಾಯನ ತಂಡಗಳು ಹಾಡುಗಾರಿಕೆಯನ್ನು ಪ್ರಸ್ತುತಪಡಿಸಲಿವೆ. ಯಕ್ಷಗಾನ ಸಂಗೀತವನ್ನು ಭರತನಾಟ್ಯಕ್ಕೆ ಅಳವಡಿಸಿಕೊಂಡ ‘ದ್ರುಪತಿ ’ ಯನ್ನು ವಸುಂದರಾ ಕೇಂದ್ರದವರು ಪ್ರಸ್ತುತ ಪಡಿಸಲಿದ್ದು ಇದು ಕಾರ್ಯಕ್ರಮದ ವಿಶೇಷವಾಗಲಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...