ಮುಕ್ತಾಯಕ್ಕಂಗೆ ಸೇಡಂನ ಮುನ್ನೂರು ಪ್ರತಿಷ್ಠಾನದ‘ಅಮ್ಮ ಪ್ರಶಸ್ತಿ’

ಸೇಡಂ : ಇಲ್ಲಿನ ಮಹಾದೇವಮ್ಮ ಮುನ್ನೂರು ಪ್ರತಿಷ್ಠಾನ ನೀಡುತ್ತಿರುವ ‘ಅಮ್ಮ ಪ್ರಶಸಿ’್ತ ಇಡೀ ರಾಜ್ಯದ ಜನತೆಯೇ ಹೆಮ್ಮೆ ಪಡಬೇಕಾದ ವಿಷಯವಾಗಿದೆ ಎಂದು ವಯಸ್ಕರ ಶಿಕ್ಷಣ ಖಾತೆ ಸಚಿವ ಬಾಬುರಾವ್‌ಚವ್ಹಾಣ್‌ ಹೊಗಳಿದ್ದಾರೆ. ಅವರು ಮಂಗಳವಾರ ಈ ವರ್ಷದ ಅಮ್ಮ ಪ್ರಶಸ್ತಿಯನ್ನು ಕವಯಿತ್ರಿ ಎಚ್‌. ಎಸ್‌. ಮುಕ್ತಾಯಕ್ಕ ಅವರಿಗೆ ಪ್ರದಾನ ಮಾಡಿ ಮಾತನಾಡುತ್ತಿದ್ದರು. ಈ ಲೋಕದಲ್ಲಿ ಅಮ್ಮನ ಆಶೀರ್ವಾದ ಪಡೆಯದವರು ಯಾರಿದ್ದಾರೆ ಹೇಳಿ. ಅಮ್ಮ ಪ್ರಶಸ್ತಿಯನ್ನು ಸ್ಥಾಪಿಸುವ ಮೂಲಕ ಪ್ರತಿಷ್ಠಾನವು ಶ್ಲಾಘನೀಯ ಕೆಲಸ ಮಾಡಿದೆ ಎಂದು ಚವ್ಹಾಣ್‌ ಅಭಿಪ್ರಾಯಪಟ್ಟರು.

ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿದ್ದ ಗ್ರಂಥಾಯಲಯ ಪುಸ್ತಕ ಆಯ್ಕೆ ಸಮಿತಿಯ ಅಧ್ಯಕ್ಷ ಚೆನ್ನಣ್ಣ ವಾಲೀಕಾರ, ‘ನನ್ನ ವಿದ್ಯಾರ್ಥಿಯಾಗಿದ್ದ ಮುಕ್ತಾಯಕ್ಕ ನನ್ನೆದುರೇ ಪ್ರಶಸ್ತಿ ಪಡೆಯುತ್ತಿರುವುದಕ್ಕಿಂತ ಹೆಚ್ಚಿನ ಖುಷಿ ಯಾವುದಿದೆ’ ಎಂದು ತಮ್ಮ ಸಂತಸವನ್ನು ಹೇಳಿಕೊಂಡರು. ಮುಕ್ತಾಯಕ್ಕ ಅವರ ಕಾವ್ಯ ಕ್ಷೇತ್ರದ ಕೃಷಿಯನ್ನು ಗುರುತಿಸಿ ಅಮ್ಮ ಪ್ರಶಸ್ತಿಯನ್ನು ನೀಡಲಾಗಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...