ಸುಂದರಿ ಕಿರೀಟ ತೊಟ್ಟ ಈಕೆಯ ವಯಸ್ಸು ನೂರಕ್ಕೆ ಐದು ಕಡಿಮೆ

ಅರ್ಕನಸಾಸ್‌: ಇದೊಂದು ಸೌಂದರ್ಯ ಸ್ಪರ್ಧೆ. ಸ್ಪರ್ಧೆಯಲ್ಲಿ ಭಾಗವಹಿಸಿದ ಹೆಚ್ಚಿನವರು ಎಳೆಯ ವಯಸ್ಸಿನವರಾದರೂ ಕೊನೆಗೆ ಸುಂದರಿಯ ಕಿರೀಟ ದಕ್ಕಿದ್ದು 95 ವರ್ಷ ವಯಸ್ಸಿನ ಮಹಿಳೆಗೆ, ಹೆಸರು ಕ್ಲೇರಾ ಫೇ ಬೆನೆಟ್‌. ಅಲ್ಲಿಗೆ ಸೌಂದರ್ಯಕ್ಕೆ ವಯೋಭೇದ ಇಲ್ಲವೆಂದಾಯಿತು.

ಅದು ಅರ್ಕನ್‌ಸಾಸ್‌ ಹೆಲ್ತ್‌ ಕೇರ್‌ ಸಂಘಟನೆಯ ನರ್ಸಿಂಗ್‌ ಹೋಮ್‌ ಕ್ವೀನ್‌ ಸೌಂದರ್ಯ ಸ್ಪರ್ಧೆ. ಸೌಂದರ್ಯ ರಾಣಿಯಾಗಿ ಆಯ್ಕೆಯಾಗಲು ಸಣ್ಣ ನಡು, ಎಳೆಯ ಮುಖ ಮಾನದಂಡವಲ್ಲ. ಸಾಧನೆಗೆ ಹೆಚ್ಚು ಒತ್ತು. ಸೌಂದರ್ಯ ಸ್ಪರ್ಧೆಯ ಕೊನೆಯ ಸುತ್ತಿಗೆ ಪ್ರವೇಶಿಸಿದ ಹೆಚ್ಚಿನವರು ವಾಕಿಂಗ್‌ ಸ್ಟಿಕ್‌ ಅಥವಾ ವೀಲ್‌ ಚೇರ್‌ ಮೂಲಕ ವೇದಿಕೆ ಪ್ರವೇಶಿಸಿದರು.

ಕೊನೆಯದಾಗಿ ಸೌಂದರ್ಯ ರಾಣಿಯ ಕಿರೀಟಕ್ಕೆ ಆಯ್ಕೆಯಾದದ್ದು ಕ್ಲೇರಾ ಫೇ ಬೆನೆಟ್‌. ತುಂಬು ನೆರಿಗೆ ಉದ್ದನೆಯ ಗೌನ್‌ ಧರಿಸಿದ್ದ ಕ್ಲೇರಾ ಸ್ಯಾನ್‌ಫ್ರಾನ್ಸಿಸ್ಕೋದ ಮೌಲ್ಯ ಮಾಪಕನ ಪ್ರಶ್ನೆಗೆ ನಾನು ನನಗೆ ತೃಪ್ತಿ ಕೊಡುವಷ್ಟು ಸಾಧನೆಗಳನ್ನು ಮಾಡಿದ್ದೇನೆ. ಈಗ ನನಗೆ ವಿಶೇಷವಾಗಿ ಏನೂ ಅನಿಸುತ್ತಿಲ್ಲ ಎಂದು ಉತ್ತರಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...