ಭಾರತದ ಪ್ರಥಮ ಇಲೆಕ್ಟ್ರಿಕ್‌ ಕಾರು ರೇವಾ ವಿದೇಶದ ರಸ್ತೆಗಳತ್ತ

ಬೆಂಗಳೂರು: ಭಾರತದ ಪ್ರಥಮ ಇಲೆಕ್ಟ್ರಿಕ್‌ ಕಾರು ಎನ್ನುವ ಅಗ್ಗಳಿಕೆಗೆ ಪಾತ್ರವಾದ ರೇವಾ ಕಾರ್‌ಗಳನ್ನು ರಫ್ತು ಮಾಡಲು ನಗರದ ಮೈನಿ ಗ್ರೂಪ್‌ ಸಿದ್ಧವಾಗಿದೆ.

ನೇಪಾಳದ ಅಟೋಮೊಬೈಲ್‌ ಡಿಸ್ಟ್ರಿಬ್ಯೂಟರ್‌ ಸಂಸ್ಥೆ ಗೆ ತನ್ನ ಹೊಸ ಉತ್ಪನ್ನ ರೇವಾ ಕಾರನ್ನು ರಫ್ತು ಮಾಡಲು ಎಲ್ಲ ತಯಾರಿಗಳೂ ಮುಗಿದದ್ದು, ಲಂಡನ್‌, ಇಸ್ರೇಲ್‌, ಜಪಾನ್‌ ಮತ್ತು ನಾರ್ವೆ ದೇಶಗಳಿಗೂ ರೇವಾ ಕಾರನ್ನು ರಫ್ತು ಮಾಡುವ ನಿಟ್ಟಿನಲ್ಲಿ ಮೈನಿ ಮಾತುಕತೆಗಳನ್ನು ಮುಂದುವರೆಸಿದೆ.

ಮೈನಿ ಗ್ರೂಪ್‌ನ ಅಧ್ಯಕ್ಷ ಸುದರ್ಶನ್‌ ಗುರುವಾರ ಈ ವಿಷಯವನ್ನು ಪ್ರಕಟಿಸಿದ್ದಾರೆ. ಇಂಗ್ಲೆಂಡ್‌ಗೆ ಕಾರುಗಳನ್ನು ರಫ್ತು ಮಾಡುವ ಮಾತುಕತೆಗಳು ಪ್ರಗತಿಯಲ್ಲಿವೆ. ಮೈನಿ ಗ್ರೂಪ್‌ನ ಸ್ಯಾಂಪಲ್‌ ಕಾರು, ಮೂರು ತಿಂಗಳ ಪ್ರಾಯೋಗಿಕ ಪರೀಕ್ಷೆಗಾಗಿ ಈಗಾಗಲೇ ಇಂಗ್ಲೆಂಡ್‌ ತಲುಪಿದೆ. ನಾರ್ವೆಯ ಜೊತೆಗಿನ ಮಾತುಕತೆಯೂ ಅಭಿವೃದ್ಧಿಯಲ್ಲಿದೆ. ಇಸ್ರೇಲ್‌, ಇಟಲಿ ಮತ್ತು ಜಪಾನ್‌ ದೇಶಗಳ ಜೊತೆಗೆ ಕಾರು ರಫ್ತಿಗೆ ಸಂಬಂಧಿಸಿದಂತೆ ಈಗಾಗಲೇ ಕೆಲವು ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ ಎಂದು ಸುದರ್ಶನ್‌ ಹೇಳಿದರು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...