ದ್ವಿತೀಯ ತ್ರೆೃಮಾಸಿಕ : ಕೆನರಾ ಬ್ಯಾಂಕಿಗೆ 306 ಕೋಟಿ ರು. ನಿವ್ವಳ ಲಾಭ

ಬೆಂಗಳೂರು : ಸೆಪ್ಟೆಂಬರ್‌ 30ಕ್ಕೆ ಮುಗಿದ ಪ್ರಸಕ್ತ ವಿತ್ತ ವರ್ಷದ ಎರಡನೇ ತ್ರೆೃಮಾಸಿಕದಲ್ಲಿ ಕೆನರಾ ಬ್ಯಾಂಕ್‌ 306 ಕೋಟಿ ರುಪಾಯಿ ನಿವ್ವಳ ಲಾಭ ಗಳಿಸಿದ್ದು, ಲಾಭಾಂಶದಲ್ಲಿ ಪ್ರತಿಶತ 145ರಷ್ಟು ಹೆಚ್ಚಳವಾಗಿದೆ ಎಂದು ಬ್ಯಾಂಕಿನ ಬೆಂಗಳೂರು ವಿಭಾಗದ ಸಿಎಂಡಿ ಆರ್‌.ವಿ.ಶಾಸ್ತ್ರಿ ಹೇಳಿದ್ದಾರೆ.

ಕಳೆದ ವಿತ್ತ ವರ್ಷದ ಇದೇ ಅವಧಿಯಲ್ಲಿ ಬ್ಯಾಂಕ್‌ 125 ಕೋಟಿ ರುಪಾಯಿ ಲಾಭ ಗಳಿಸಿತ್ತು. ಕಳೆದ ವಿತ್ತ ವರ್ಷದಲ್ಲಿ ಗಳಿಸಿದ ಒಟ್ಟಾರೆ ಲಾಭವನ್ನೂ ದ್ವಿತೀಯ ತ್ರೆೃಮಾಸಿಕದ ಲಾಭ ಮೀರಿಸಿದ್ದು, ಬ್ಯಾಂಕಿನ ವಹಿವಾಟು ಸಾಕಷ್ಟು ಏರುಮುಖವಾಗಿದೆ. ಕಳೆದ ವಿತ್ತ ವರ್ಷದಲ್ಲಿ ಬ್ಯಾಂಕಿನ ನಿವ್ವಳ ಲಾಭ 285 ಕೋಟಿ ರುಪಾಯಿ ಆಗಿತ್ತು.

ಬ್ಯಾಂಕಿನ ದ್ವಿತೀಯ ತ್ರೆೃಮಾಸಿಕದ ಮುಖ್ಯಾಂಶಗಳು ಹೀಗಿವೆ....

• ಜಾಗತಿಕ ವಹಿವಾಟು- 90, 136 ಕೋಟಿ ರುಪಾಯಿ
• ಠೇವಣಿ ಮೊತ್ತ- 61,517 ಕೋಟಿ ರು.
• ಅಡ್ವಾನ್ಸ್‌ಗಳ ಮೊತ್ತ- 28,619 ಕೋಟಿ ರು.

• ಈ ಅವಧಿಗೆ ಮೊದಲು ಬ್ಯಾಂಕಿನ 2407 ಶಾಖೆಗಳ ಪೈಕಿ 996 ಗಣಕೀಕೃತವಾಗಿದ್ದವು. ಇದೀಗ 1085 ಶಾಖೆಗಳು ಗಣಕೀಕೃತ.
• ಇದೀಗ 33 ಎ ಟಿಎಂ ಕೌಂಟರುಗಳಿದ್ದು, ಮುಂದಿನ ವರ್ಷ ಮಾರ್ಚ್‌ ಹೊತ್ತಿಗೆ 100 ಎಟಿಎಂ ಕೌಂಟರುಗಳನ್ನು ತೆರೆಯಲಾಗುವುದು.
• ದೆಹಲಿ, ಮುಂಬಯಿ, ಚೆನ್ನೈ, ಕೊಲ್ಕತ್ತಾ ಹಾಗೂ ಬೆಂಗಳೂರನ್ನು ಏಕ ಜಾಲ ವ್ಯವಸ್ಥೆಯಡಿಗೆ ತಂದು, ಈ ಜಾಗೆಗಳಲ್ಲಿ ಎಲ್ಲಿಯೇ ಆದರೂ ವಹಿವಾಟು ನಡೆಸುವ ಸೌಕರ್ಯವನ್ನು ಮುಂದಿನ ವರ್ಷ ಜೂನ್‌ ಹೊತ್ತಿಗೆ ಗ್ರಾಹಕರಿಗೆ ಕಲ್ಪಿಸಲಾಗುವುದು.
• ವೃತ್ತಿಪರರಿಗೆ ಮತ್ತು ಆಸ್ತಿದಾರರಿಗೆ ಅನುವಾಗುವಂಥ CANRENT and CANMORTGAGE ಎಂಬ ಸಾಲ ಸವಲತ್ತನ್ನೂ ಬ್ಯಾಂಕ್‌ ಜಾರಿಗೆ ತಂದಿದೆ.

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...