ಕಾಬೂಲ್‌ಗೆ ತೆರಳಿದ ಭಾರತೀಯ ರಾಜತಾಂತ್ರಿಕರ ನಿಯೋಗ

ನವದೆಹಲಿ : 1996 ರ ನಂತರ ಇದೇ ಮೊದಲ ಬಾರಿಗೆ ಭಾರತದ ರಾಜತಾಂತ್ರಿಕರ ತಂಡವೊಂದು ಆಪ್ಘಾನಿಸ್ತಾನ ಪ್ರವೇಶಿಸಿರುವುದಾಗಿ ಕೇಂದ್ರ ವಿದೇಶಾಂಗ ವ್ಯವಹಾರಗಳ ಸಚಿವ ಜಸ್ವಂತ್‌ ಸಿಂಗ್‌ ಪ್ರಕಟಿಸಿದ್ದಾರೆ.

ವಿಶೇಷ ರಾಯಭಾರಿಯನ್ನು ಒಳಗೊಂಡಿರುವ ಈ ನಿಯೋಗ ಬುಧವಾರ ಬೆಳಗ್ಗೆ ಕಾಬೂಲ್‌ ಸಮೀಪದ ಬಗ್ರಂ ವಿಮಾನ ನಿಲ್ದಾಣ ತಲುಪಿದ ವಿಷಯವನ್ನು ಜಸ್ವಂತ್‌ಸಿಂಗ್‌ ರಾಜ್ಯಸಭೆಯ ಗಮನಕ್ಕೆ ತಂದರು. ಮೆಡಿಕಲ್‌ ಹಾಗೂ ನರ್ಸಿಂಗ್‌ ಸಾಮಗ್ರಿಗಳನ್ನು ಹೊಂದಿರುವ ಈ ನಿಯೋಗ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಅಧಿಕಾರಿಯಾಂದಿಗೆ ಕಾಬೂಲ್‌ನಲ್ಲಿ ತಂಗುವುದೆಂದು ಜಸ್ವಂತ್‌ ಹೇಳಿದರು.

ಆಪ್ಘಾನಿಸ್ತಾನದಲ್ಲಿ ತಾಲಿಬಾನ್‌ ಆಡಳಿತ ವಹಿಸಿಕೊಂಡ ನಂತರ ಭಾರತದ ರಾಜತಾಂತ್ರಿಕರು ಆಪ್ಘಾನಿಸ್ತಾನಕ್ಕೆ ತೆರಳುತ್ತಿರುವುದು ಇದೇ ಮೊದಲು. ಸೆಪ್ಟಂಬರ್‌ 26, 1996 ರಂದು ಕಾಬೂಲ್‌ನಲ್ಲಿನ ಭಾರತೀಯ ರಾಯಭಾರಿ ಕಚೇರಿಯನ್ನು ಮುಚ್ಚಲಾಗಿತ್ತು .

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...