ಬೆಂಗಳೂರಿನ ವಕೀಲ ಜೋಯಿಸ್‌ಗೆ ಅಂತಾರಾಷ್ಟ್ರೀಯ ಮನ್ನಣೆ

ಬೆಂಗಳೂರು : ಕೇಂದ್ರದ ಸುಂಕ ಮತ್ತು ತೆರಿಗೆ ಸಲಹೆಗಾರ ಹಾಗೂ ಬೆಂಗಳೂರಿನ ಹೆಸರಾಂತ ನ್ಯಾಯವಾದಿ ಡಾ. ಪಿ.ವಿ. ಜೋಯಿ ಸ್‌ ಅವರ ಹೆಸರು ಬೋಸ್ಟನ್‌ನ ಹೂ ಈಸ್‌ ಹೂ ಸಂಸ್ಥೆ ಪ್ರಕಟಿಸಿರುವ ವಾರ್ಷಿಕ ವ್ಯಕ್ತಿ ಪರಿಚಯ ಪಟ್ಟಿಯಲ್ಲಿ ಸೇರಿದೆ.

ಪ್ರತಿವರ್ಷ ಹೂ ಈಸ್‌ ಹೂ ಸಂಸ್ಥೆ ಆರ್ಥಿಕ, ವಾಣಿಜ್ಯ, ಆಡಳಿತ ಹಾಗೂ ವಾಣಿಜ್ಯ ಕ್ಷೇತ್ರದಲ್ಲಿ ಅಸಾಧಾರಣ ಸೇವೆ ಸಲ್ಲಿಸಿದ 150 ರಾಷ್ಟ್ರಗಳ ಖ್ಯಾತನಾಮರನ್ನು ಆಯ್ಕೆ ಮಾಡಿ ವ್ಯಕ್ತಿ ಪರಿಚಯ ಪಟ್ಟಿಯಲ್ಲಿ ಸೇರಿಸುವ ಮೂಲಕ ಅಂತಾರಾಷ್ರೀಯ ಮನ್ನಣೆ ನೀಡುತ್ತದೆ.

ಈ ಸಾಲಿನ ಅಂತಾರಾಷ್ಟ್ರೀಯ ಮನ್ನಣೆಗೆ ಅಚ್ಚ ಕನ್ನಡಿಗ ಹಾಗೂ ಅಮೆರಿಕದ ನಾರ್ಥ್‌ ವೆಸ್ಟ್ರನ್‌ ವಿಶ್ವವಿದ್ಯಾಲಯದಲ್ಲಿ ಡಾಕ್ಟರೇಟ್‌ ಪಡೆದ ವಕೀಲ ಜೋಯಿಸ್‌ ಪಾತ್ರರಾಗಿದ್ದಾರೆ. ವಿಶ್ವದ ಎಲ್ಲರಿಗೂ ವಿಶ್ವಾದ್ಯಂತ ಇರುವ ಸಾಧಕರ ವಿವರ ಸುಲಭವಾಗಿ ಸಿಗಬೇಕು ಎಂಬುದು ಈ ಸಂಸ್ಥೆಯ ಉದ್ದೇಶ.

ಪ್ರಸ್ತುತ ಬೆಂಗಳೂರಿನಲ್ಲಿ ಪರೋಕ್ಷ ತೆರಿಗೆ ಸಲಹೆಗಾರರ ಸಂಘದ ಉಪಾಧ್ಯಕ್ಷರಾಗಿರುವ ಜೋಯಿಸರು, ಆಮದು-ರಫ್ತು ತೆರಿಗೆ ಸುಧಾರಣೆ ಕುರಿತು ಹಲವು ಲೇಖನಗಳನ್ನೂ ಬರೆದಿದ್ದಾರೆ. ಕೇಂದ್ರದ ಹಲವು ಸಮಿತಿಗಳಲ್ಲಿ ಜೋಯಿಸ್‌ ಸಲಹೆಗಾರರಾಗಿಯೂ ಸೇವೆ ಸಲ್ಲಿಸಿದ್ದಾರೆ.

(ಇನ್‌ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...