ನ.19 ರಿಂದ ಒಂದೂವರೆ ತಿಂಗಳು ನೀರಾ ಇಳಿಸುವಂತಿಲ್ಲ

ಬೆಂಗಳೂರು : ರಾಜ್ಯದ ತೆಂಗಿನ ಮರಗಳಿಗೆ ಹರಡಿದ ನುಸಿರೋಗವನ್ನು ತಡೆಗಟ್ಟಲು ಸಮಗ್ರ ಔಷಧಿ ಸಿಂಪಡಣೆ ಕಾರ್ಯಕ್ರಮವನ್ನು ನವೆಂಬರ್‌ 19ರಿಂದ ಆರಂಭಿಸಲಾಗುವುದು ಎಂದು ತೋಟಗಾರಿಕಾ ಸಚಿವ ಕಾಗೋಡು ತಿಮ್ಮಪ್ಪ ತಿಳಿಸಿದ್ದಾರೆ.

40 ಕೋಟಿ ರೂಪಾಯಿಯ ಔಷಧಿಯನ್ನು ಈಗಾಗಲೇ ಉತ್ಪಾದಿಸಲಾಗಿದ್ದು, ಸರಕಾರೀ ಯಂತ್ರಗಳು ಈ ನಿಟ್ಟಿನಲ್ಲಿ ಕೆಲಸ ಆರಂಭಿಸಲು ಸಿದ್ಧವಾಗಿವೆ ಎಂದು ಶನಿವಾರ ಸುದ್ದಿಗೋಷ್ಠಿಯಲ್ಲಿ ಅವರು ತಿಳಿಸಿದರು. ಕಾಕತಾಳೀಯವೆನ್ನುವಂತೆ ನವೆಂಬರ್‌ 19ರಂದೇ ಆಡಳಿತಾರೂಢ ಸರಕಾರದ ರೈತಪರ ಸಾಧನೆಯ ಜಾಗೃತಿ ಮೂಡಿಸಲು ಚೆನ್ನಪಟ್ಟಣದಲ್ಲಿ ರೈತರ ರ್ಯಾಲಿಯನ್ನು ಕಾಂಗ್ರೆಸ್‌ಆಯೋಜಿಸಿದೆ.

ಆರೋಗ್ಯ ಸಮಸ್ಯೆಯನ್ನು ತಡೆಗಟ್ಟುವ ದೃಷ್ಟಿಯಿಂದ ತೆಂಗಿನ ಮರಗಳಿಗೆ ಔಷಧಿ ಸಿಂಪಡಿಸಿದ ನಂತರ ಕನಿಷ್ಠವೆಂದರೆ 45 ದಿನಗಳವರೆಗೆ ಆ ಮರಗಳಿಂದ ನೀರಾ ಇಳಿಸುವಂತಿಲ್ಲ . ಸಮಾಜ ಕಲ್ಯಾಣ ಖಾತೆಯ ಸಚಿವರೂ ಆಗಿರುವ ತಿಮ್ಮಪ್ಪ ಅವರು ಖಾಲಿ ಇರುವ 6 ಸಾವಿರ ಬ್ಯಾಕ್‌ ಲಾಗ್‌ ಹುದ್ದೆಗಳಿಗೆ ಪರಿಶಿಷ್ಟ ಜಾತಿ ಮತ್ತು ಪಂಗಡಗಳ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗುವುದು ಎಂದರು.

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...