ಚೀನಿ ವಿಜ್ಞಾನಿಗಳಿಂದ ಆ್ಯಂಥ್ರಾಕ್ಸ್‌ ನಾಶಪಡಿಸಬಲ್ಲ ಯಂತ್ರದ ಶೋಧ

ಬೀಜಿಂಗ್‌ : ಮಾರಕ ರೋಗ ಆ್ಯಂಥ್ರಾಕ್ಸ್‌ ನಾಶಪಡಿಸಬಲ್ಲ ಯಂತ್ರವೊಂದನ್ನು ಚೀನೀ ವಿಜ್ಞಾನಿಗಳು ಕಂಡು ಹಿಡಿದಿದ್ದು ಅಮೆರಿಕಾ ಯುದ್ಧ ತಂತ್ರಜ್ಞರು ತುಸು ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಗಿದೆ.

ಅಂಚೆಯಲ್ಲಿ ಬರುವ ಆ್ಯಂಥ್ರಾಕ್ಸ್‌ ರೋಗಾಣು ಪುಡಿಗೆ ಈ ನೂತನ ಯಂತ್ರವು ಇಲೆಕ್ಟ್ರಾನಿಕ್‌ ಕಿರಣವೊಂದನ್ನು ಹಾಯಿಸುವ ಮೂಲಕ ರೋಗಾಣುವನ್ನು ನಾಶಪಡಿಸಬಲ್ಲುದು ಎಂದು ಸೈಯನ್ಸ್‌ ಆ್ಯಂಡ್‌ ಟೆಕ್ನಾಲಜಿ ಡೈಲಿ ವರದಿ ಮಾಡಿದೆ. ಇಂತಹ ನಾಲ್ಕು ಯಂತ್ರಗಳನ್ನು ಖರೀದಿಸಲು ಅಮೆರಿಕಾ ಮುಂದಾಗಿದೆ.

ಚೈನೀಸ್‌ ಅಕಾಡೆಮಿ ಆಫ್‌ ಆ್ಯಟಮಿಕ್‌ ಎನರ್ಜಿ ಸಯನ್ಸಸ್‌ ಮತ್ತು ಬೀಜಿಂಗ್‌ ನಗರ ಸಾರ್ವಜನಿಕ ಸುರಕ್ಷಾ ವಿಭಾಗ ವಿಶೇಷ ಯಂತ್ರವನ್ನು ನಿರ್ಮಿಸಲು ಒಪ್ಪಂದವೊಂದಕ್ಕೆ ಸಹಿ ಹಾಕಿದೆ. ರೋಗಾಣುಗಳನ್ನು ಕೊಲ್ಲಲು ಹಾಗೂ ಅಂಚೆಯನ್ನು ರೋಗಾಣು ಮುಕ್ತಗೊಳಿಸಲು ಈ ಯಂತ್ರ ಸಹಕರಿಸಲಿದೆ. ಡೆಸ್ಕ್‌ ಟಾಪ್‌ ಸ್ವಯಂ ರಕ್ಷಕ ಯಂತ್ರವನ್ನು ಯಾವುದೇ ವಿಶೇಷ ಪೂರ್ವ ತಯಾರಿ ಇಲ್ಲದೇ ಬಳಸಬಹುದು.

ಈ ಯಂತ್ರವು ದಿನಕ್ಕೆ 10ರಿಂದ 20 ಸಾವಿರ ಪತ್ರಗಳನ್ನು ಸ್ಕ್ಯಾನ್‌ ಮಾಡಬಲ್ಲುದು. ಇದರಿಂದ ಯಂತ್ರವನ್ನು ನಿರ್ವಹಿಸುವ ಮನುಷ್ಯರಿಗೆ ಯಾವುದೇ ಹಾನಿ ಇಲ್ಲ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...