ಬ್ಯಾಂಕಿನೊಟ್ಟಿಗೆ ಬಿ2ಬಿ ಕೊಂಡಿ: ವಿತ್ತೀಯ ಪೂರೈಕೆ ಗೊಂದಲ ಬಿಡಿ

ಬೆಂಗಳೂರು : ಗ್ರಾಹಕ ಮತ್ತು ಬ್ಯಾಂಕು ಅಥವಾ ವಿತ್ತ ಸಂಸ್ಥೆ ನಡುವೆ ವ್ಯಾಪಾರದಿಂದ ವ್ಯಾಪಾರ (ಬಿ2ಬಿ) ವಿನಿಮಯ ಕೊಂಡಿ ಬೆಸೆಯುವ ಐಸಿಐಸಿಐ ಸ್ಮಾರ್ಟ್‌ಪೇ ಎಂಬ ಹೊಸ ವ್ಯವಸ್ಥೆ ಜಾರಿಗೆ ಬಂದಿದೆ. ಇನ್ಫೋಸಿಸ್‌ ತಾಂತ್ರಿಕ ಸಂಸ್ಥೆ ಹಾಗೂ ಐಸಿಐಸಿಐ ನಿಯಮಿತದ ಜಂಟಿ ಕೊಡುಗೆ ಇದು.

ಗುರುವಾರದ ಸುದ್ದಿ ಪ್ರಕಟಣೆಯಲ್ಲಿ ಕಂಪನಿಗಳು ಈ ವ್ಯವಸ್ಥೆಯ ಪರಿಚಯ ಮಾಡಿಕೊಟ್ಟಿವೆ. ವಿತ್ತೀಯ ಅವಶ್ಯಕತೆಗಳ ಪೂರೈಕೆಯನ್ನು ಸರಳವಾಗಿಸುವ, ದಲ್ಲಾಳಿಗಳ ಹಾವಳಿ ಮುಕ್ತವಾದ, ಅವ್ಯವಹಾರಕ್ಕೆ ಅವಕಾಶ ಕೊಡದ ವ್ಯವಸ್ಥೆಯಿದು. ಗ್ರಾಹಕನ ನಿಧಿ ಬ್ಯಾಂಕಿನ ಎಸ್‌ಕ್ರೋ ಖಾತೆಯಲ್ಲಿ ಭದ್ರವಾಗಿರುತ್ತದೆ. ಮಾರುವವನು ಎಲ್ಲಾ ನಿಯಮಾವಳಿಗಳನ್ನು ಅಡೆತಡೆಯಿಲ್ಲದೆ ಪೂರೈಸಿದ ನಂತರ ಬ್ಯಾಂಕ್‌ ಆ ನಿಧಿಯನ್ನು ಆತನಿಗೆ ಸೇರಿಸುತ್ತದೆ. www.icicimarkets.comನಲ್ಲಿ ಹೊಸ ವ್ಯವಸ್ಥೆಯ ವಿವರಗಳುಂಟು.

(ಪಿಟಿಐ)

ಮುಖಪುಟ / ಕರ್ನಾಟಕ ಸಿಲಿಕಾನ್‌ ಕಣಿವೆ