ಶಿವಸೇನೆಯಿಂದ ಕಠ್ಮಂಡುವಿನಲ್ಲಿ ವಿಶ್ವದ ಅತಿ ಎತ್ತರದ ತ್ರಿಶೂಲ

ಕಠ್ಮಂಡು : ಐದು ಟನ್‌ ಭಾರವುಳ್ಳ ವಿಶ್ವದ ಅತೀ ಎತ್ತರದ ತಾಮ್ರದ ತ್ರಿಶೂಲವನ್ನು ಇಲ್ಲಿನ ಭಕ್ತಪುರ ಜಿಲ್ಲೆಯ ಮುಲಕೋಟ್‌ಗಾಧಿಯಲ್ಲಿ ಅಳವಡಿಸಲಾಗಿದೆ.

ಶಾಂತಿ ಮತ್ತು ಸಾಮರಸ್ಯದ ಸಂಕೇತವಾಗಿ ಈ ತ್ರಿಶೂಲವನ್ನು ಸ್ಥಾಪಿಸಲು ಉದ್ದೇಶಿಸಲಾಗಿದ್ದು, ಇದು 32 ಅಡಿಗಳಷ್ಟು ಎತ್ತರವಿದೆ. ನೇಪಾಳದ ಶಿವಸೇನಾ ಸೈನಿಕರಿಂದ ತಯಾರಿಸಲ್ಪಟ್ಟ ಈ ತ್ರಿಶೂಲವನ್ನು ಕಠ್ಮಂಡು ನಗರದ ಮುಖ್ಯ ರಸ್ತೆಗಳಲ್ಲಿ ಮೆರವಣಿಗೆ ಮೂಲಕ ಮಂಗಳವಾರ ಹೊತ್ತೊಯ್ಯಲಾಯಿತು. ಬಲಜು ಕೈಗಾರಿಕಾ ಪ್ರದೇಶದಿಂದ ಹೊರಟ ಮೆರವಣಿಗೆ 25 ಕಿಲೋಮೀಟರ್‌ ದೂರ ಸಾಗಿ ಹಿಮಾಲಯನ್‌ ರಾಜ್ಯಾಡಳಿತದ ರಾಜಧಾನಿ ಮುಲಕೋಟ್‌ಗಾಧಿ ತಲುಪಿತು.

ಭಯೋತ್ಪಾದನೆಯ ವಿರುದ್ಧ ಹಾಗೂ, ಶಾಂತಿ ಸಾಮರಸ್ಯವನ್ನು ಹರಡುವ ಉದ್ದೇಶದಿಂದ ಕಠ್ಮಂಡುವಿನ ಮುಖ್ಯ ಬೀದಿಗಳಲ್ಲಿ ತ್ರಿಶೂಲದ ಮೆರವಣಿಗೆ ಸಾಗಿತು ಎಂದು ನೇಪಾಳದ ಶಿವ ಸೇನೆ ಅಧ್ಯಕ್ಷ ಅರುಣ್‌ ಸುಬೇದಿ ತಿಳಿಸಿದ್ದಾರೆ.

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...