ನ್ಯೂಯಾರ್ಕ್‌ನಲ್ಲಿ ವಿಮಾನ ದುರಂತಕ್ಕೆ 255 ಪ್ರಯಾಣಿಕರ ಬಲಿ

ವಾಷಿಂಗ್ಟನ್‌ : ಸೆಪ್ಟೆಂಬರ್‌ 11ರ ನ್ಯೂಯಾರ್ಕ್‌ ದುರಂತದ ನೋವು ಇನ್ನೂ ಹಸಿರಾಗಿರುವಾಗಲೇ 255 ಮಂದಿಯನ್ನು ಬಲಿ ತೆಗೆದುಕೊಂಡ ಅಮೆರಿಕಾದ ಏರ್‌ ಬಸ್‌ ಎ- 300 ವಿಮಾನ ದುರಂತ ಕೇವಲ ಅಪಘಾತವಷ್ಟೇ ಎಂದು ವೈಟ್‌ ಹೌಸ್‌ನ ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಅಮೆರಿಕಾ- ಏರ್‌ ಲೈನ್ಸ್‌ನ ವಿಮಾನವು ನ್ಯೂಯಾರ್ಕ್‌ನ ಜಾನ್‌ ಎಫ್‌ ಕೆನಡಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಟೇಕಾಫ್‌ ತೆಗೆದುಕೊಂಡ ಕೆಲವೇ ನಿಮಿಷಗಳಲ್ಲಿ ಈ ಅಪಘಾತ ಸಂಭವಿಸಿದೆ. 246 ಮಂದಿ ಪ್ರಯಾಣಿಕರು ಮತ್ತು 9 ಮಂದಿ ಸಿಬ್ಬಂದಿ ದುರ್ಘಟನೆಯಲ್ಲಿ ಮೃತರಾಗಿದ್ದಾರೆ. ಅಪಘಾತಕ್ಕೆ ಸಂಬಂಧಿಸಿ ಕಾಕ್‌ ಪಿಟ್‌ನಲ್ಲಿ ಶಂಕಾಸ್ಪದವಾದ ಯಾವುದೇ ಮಾಹಿತಿಗಳು ಲಭ್ಯವಾಗಿಲ್ಲ ಎಂದು ವೈಟ್‌ ಹೌಸ್‌ನ ಬಾತ್ಮೀದಾರ ಅರಿ ಫ್ಲೈಶರ್‌ ಹೇಳಿದ್ದಾರೆ.

ರಾಕ್‌ವೇಯ ಜನವಸತಿ ಪ್ರದೇಶ ಮ್ಯಾನ್‌ ಹಟನ್‌ ಎದುರಿಗಿರುವ ನ್ಯೂಯಾರ್ಕ್‌ ಬೊರೊಫ್‌ ಆಫ್‌ ಕ್ವೀನ್ಸ್‌ ಗೆ ಅಪ್ಪಳಿಸಿದ ವಿಮಾನ ಕನಿಷ್ಠ ನಾಲ್ಕು ಕಟ್ಟಡಗಳನ್ನು ಸುಟ್ಟು ಹಾಕಿದೆ. ವಿಮಾನದ ಇಂಜಿನ್‌ ಒಂದು ಕಡೆ, ಮತ್ತೊಂದು ಕಡೆ ವಿಮಾನದ ಇತರ ಭಾಗಗಳು ಬಿದ್ದಿವೆ.

ವಿಮಾನ ಅಪಘಾತ ನಡೆದ ತಕ್ಷಣ ತನಿಖೆ ನಡೆಸಲು ರಾಷ್ಟ್ರೀಯ ಪ್ರವಾಸ ರಕ್ಷಣಾ ಮಂಡಳಿ(ಎನ್‌ಟಿಎಸ್‌ಬಿ) ಗೆ ಸೂಚಿಸಲಾಗ್ತಿತು. ಎನ್‌ಟಿಎಸ್‌ಬಿಗೆ ಈವರೆಗೆ ದೊರೆತ ಎಲ್ಲ ಮಾಹಿತಿಗಳ ಪ್ರಕಾರ ಈ ದುರಂತ ಒಂದು ಅಪಘಾತ ಎಂಬುದನ್ನೇ ಸಮರ್ಥಿಸುತ್ತದೆ ಎಂದು ಫ್ಲೈಶರ್‌ತಿಳಿಸಿದರು.

(ಇನ್ಫೋ ವಾರ್ತೆ)