ತನ್ನನ್ನು ನಿಗಮೀಕರಗೊಳಿಸುವಂತೆ ಸರ್ಕಾರಕ್ಕೆ ಎಸ್‌ಟಿಪಿಐ ಮನವಿ

ಬೆಂಗಳೂರು : ಐಟಿ ಸಚಿವಾಲಯದಡಿ ನಿಗಮೀಕರಣಗೊಳಿಸಬೇಕೆಂದು ಸ್ವಾಯತ್ತ ಸಂಸ್ಥೆ ದಿ ಸಾಫ್ಟ್‌ವೇರ್‌ ಟೆಕ್ನಾಲಜಿ ಪಾರ್ಕ್ಸ್‌ ಆಫ್‌ ಇಂಡಿಯಾ (ಎಸ್‌ಟಿಪಿಐ) ಸರ್ಕಾರಕ್ಕೆ ಪತ್ರ ಬರೆದಿದ್ದು, ಅನುಮತಿಗಾಗಿ ಕಾಯುತ್ತಿದೆ.

ನಾವು ಜಾಗತಿಕ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರಬೇಕು. ಇದಕ್ಕಾಗಿ ವಿದೇಶೀ ಅಥವಾ ದೇಶೀ ಕಂಪನಿಯಾಂದರ ಜೊತೆ ಕೈಜೋಡಿಕೆ ಅತ್ಯವಶ್ಯಕ. ಸರ್ಕಾರ ನಿಗಮೀಕರಣಕ್ಕೆ ಒಪ್ಪಿಗೆ ಸೂಚಿಸುವುದೊಂದೇ ಬಾಕಿ ಎಂದು ಎಸ್‌ಟಿಪಿಐ ನಿರ್ದೇಶಕ ಎಸ್‌.ಎನ್‌.ರಿkುಂದಾಲ್‌ ಶುಕ್ರವಾರ ಹೇಳಿದರು.

ನಮ್ಮ ಜೊತೆ ಕೈಜೋಡಿಸಲು ಈಗಾಗಲೇ ಕೆಲವು ಕಂಪನಿಗಳು ಮುಂದೆ ಬಂದಿವೆ. ಆದರೆ ನಿಗಮೀಕರಣದ ನಂತರವೇ ಯಾವ ಕಂಪನಿಯನ್ನು ನಾವು ಸೇರಿಸಿಕೊಳ್ಳಬೇಕೆಂದು ನಿರ್ಧರಿಸಲು ಸಾಧ್ಯ. ದೇಶದಲ್ಲಿ ಈಗ ನಮ್ಮ ಸಂಸ್ಥೆಯ 21 ಕೇಂದ್ರಗಳಿವೆ. ಪ್ರಸಕ್ತ ವಿತ್ತ ವರ್ಷದೊಳಗೆ ವಿಜಯವಾಡ ಸೇರಿದಂತೆ ಇನ್ನೂ 10ರಿಂದ 15 ಕೇಂದ್ರಗಳನ್ನು ತೆರೆಯುವ ಉದ್ದೇಶವಿದೆ. ಎಸ್‌ಟಿಪಿಐ ಹಲವಾರು ಮಹತ್ತರ ಯೋಜನೆಗಳನ್ನು ಹಮ್ಮಿಕೊಂಡಿದ್ದು, ನೀರಿನಡಿಯಲ್ಲಿ ತಂತು ಸಂಪರ್ಕ ಇದರಲ್ಲಿ ಮುಖ್ಯವಾದದ್ದು ಎಂದು ರಿkುಂದಾಲ್‌ ತಿಳಿಸಿದರು.

(ಪಿಟಿಐ)