ಕರ್ನಾಟಕ ಬ್ಯಾಂಕ್‌ ಲಾಭಾಂಶದಲ್ಲಿ ಹೆಚ್ಚಳ, ಹೂಡಿಕೆಯಲ್ಲೂ ಮುಂದು

ಮಂಗಳೂರು : ಪ್ರಸಕ್ತ ಆರ್ಥಿಕ ವರ್ಷದ ಆರು ತಿಂಗಳಲ್ಲಿ 44.01 ಕೋಟಿ ರೂಪಾಯಿ ನಿವ್ವಳ ಲಾಭವನ್ನು ಕರ್ನಾಟಕ ಬ್ಯಾಂಕ್‌ ದಾಖಲಿಸಿದೆ.

ಕಳೆದ ವರ್ಷ ಇದೇ ಅವಧಿಯಲ್ಲಿ ಆದಾಯದ ಪ್ರಮಾಣ 348.16 ಕೋಟಿ ರೂಪಾಯಿ ಆಗಿದ್ದು, ಈ ಬಾರಿ ಬ್ಯಾಂಕಿನ ಒಟ್ಟು ಆದಾಯ 449.16 ಕೋಟಿ ರೂಪಾಯಿ ಆಗಿದೆ ಎಂದು ಬ್ಯಾಂಕಿನ ಆಡಳಿತ ಮಂಡಳಿಯ ಪ್ರಕಟಣೆ ತಿಳಿಸಿದೆ.

6655.53 ಕೋಟಿ ರೂಪಾಯಿ ಠೇವಣಿ ಸಂಗ್ರಹ ಮಾಡಿರುವ ಬ್ಯಾಂಕ್‌, ಕಳೆದ ಸಾಲಿನಲ್ಲಿ 5224.91 ಕೋಟಿ ರೂಪಾಯಿ ಠೇವಣಿ ಸಂಗ್ರಹಿಸಿತ್ತು. ಹೂಡಿಕೆಯಲ್ಲಿಯೂ ಪ್ರಗತಿಯಾಗಿದ್ದು , ಈ ವರ್ಷ ಹೂಡಿಕೆಯ ಪ್ರಮಾಣ 3248.94 ಕೋಟಿ ರೂಪಾಯಿಗೇರಿದೆ. ಕಳೆದ ವರ್ಷ ಈ ಮೊತ್ತ 2404.17 ಕೋಟಿ ರೂಪಾಯಿ ಆಗಿತ್ತು .