• search

ಬಲರಾಮನ ಹೆಗಲಲ್ಲಿ ಚಿನ್ನದಂಬಾರಿ: ಮೈಸೂರಲ್ಲಿ ಜಂಬೂ ಸವಾರಿ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    File picture of Mysore Jumbo savariಮೈಸೂರು : ಜಂಬೂಸವಾರಿಯ ಆ ರಸಕ್ಷಣ ಹತ್ತಿರವಾಗಿದೆ. ಶುಕ್ರವಾರ ಮಧ್ಯಾಹ್ನ 3.50ಕ್ಕೆ (ಕುಂಭ ಲಗ್ನ) ವಿದ್ಯುಕ್ತವಾಗಿ ಮೈಸೂರು ದಸರೆಯ ಜಂಬೂ ಸವಾರಿ ಆರಂಭವಾಗಲಿದೆ. ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಅವರು ಸಪತ್ನೀಕರಾಗಿ ಅರಮನೆ ಆವರಣದಲ್ಲಿ - ಬಲರಾಮ ಹೊತ್ತ ಚಿನ್ನದಂಬಾರಿಯಲ್ಲಿನ ತಾಯಿ ಚಾಮುಂಡೇಶ್ವರಿಗೆ ಪುಷ್ಪಾರ್ಚನೆ ಮಾಡುವ ಮೂಲಕ ಜಂಬೂ ಸವಾರಿಗೆ ಚಾಲನೆ ನೀಡಲಿದ್ದಾರೆ.

    ಇದಕ್ಕೆ ಮುನ್ನ ಅರಮನೆಯ ಉತ್ತರ ದ್ವಾರದ ಬಳಿ ಮುಖ್ಯಮಂತ್ರಿಗಳು ನಂದಿಧ್ವಜಕ್ಕೂ ಅವರು, ಪೂಜೆ ಸಲ್ಲಿಸಲಿದ್ದಾರೆ.

    ಈ ಹೊತ್ತು ಮೈಸೂರು ಒಡೆಯರ ಅಧಿದೇವತೆ ತಾಯಿ ಚಾಮುಂಡೇಶ್ವರಿಯ ವಿಗ್ರಹವುಳ್ಳ 750 ಕೆ.ಜಿ. ತೂಕದ ಚಿನ್ನದಂಬಾರಿಯನ್ನು ಹೊತ್ತು ರಾಜಮಾರ್ಗಗಳಲ್ಲಿ ರಾಜ ಗಾಂಭೀರ್ಯದಿಂದ ಬರುವ ಬಲರಾಮನನ್ನು ಸ್ವಾಗತಿಸಲು ಇಡೀ ಮೈಸೂರೇ ಸಜ್ಜಾಗಿದೆ.

    ವಿಶ್ವವಿಖ್ಯಾತ ಜಂಬೂ ಸವಾರಿಯ ಮೆರವಣಿಗೆಯಲ್ಲಿ ಈ ವರ್ಷ 58 ಕಲಾತಂಡಗಳು ಪಾಲ್ಗೊಳ್ಳುತ್ತಿವೆ. ಬಲರಾಮನ ಅಕ್ಕ-ಪಕ್ಕ ಕೋಕಿಲಾ, ಕಾಂತಿ ಹೆಜ್ಜೆ ಹಾಕಿದರೆ, ಹಿಂದೆ ಪಟ್ಟದ ಆನೆ, ಒಂಟೆ, ಅಶ್ವಾರೋಹಿಗಳು, ಅರಮನೆಯ ಪುರಾತನ ವರ್ಣರಂಜಿತ ಎತ್ತಿನಗಾಡಿ, ಮೈಸೂರು ಖ್ಯಾತಿಯ ಪೊಲೀಸ್‌ ಬ್ಯಾಂಡ್‌, ನಾದಸ್ವರ ತಂಡಗಳು ಸಾಗಲಿವೆ.

    ಮುಗಿಲಿನಿಂದ ಪುಷ್ಪವೃಷ್ಟಿ : ಈ ಬಾರಿ ಸಾಂಕೇತಿಕವಾಗಿ ಹಾಗೂ ಸರಳವಾಗಿ ದಸರೆ ಆಚರಿಸುತ್ತಿರುವ ಹಿನ್ನೆಲೆಯಲ್ಲಿ ಮೆರವಣಿಗೆಯಲ್ಲಿ ಸ್ತಬ್ಧಚಿತ್ರಗಳು ಇರುವುದಿಲ್ಲ. ಆದರೆ, ಬಲರಾಮ ಹೊತ್ತ ಅಂಬಾರಿಯಲ್ಲಿರುವ ತಾಯಿ ಚಾಮುಂಡೇಶ್ವರಿಗೆ ಕುಂಭಲಗ್ನದಲ್ಲಿ ವಾಯುಪಡೆಯ ಹೆಲಿಕಾಪ್ಟರ್‌ನಿಂದ ಪುಷ್ಪವೃಷ್ಟಿಯಾಗಲಿದೆ.

    ಬರದ ಕಾರಣ ದಸರೆಯ ಸಂದರ್ಭದಲ್ಲಿ ವಿದ್ಯುತ್‌ದೀಪಾಲಂಕಾರದಿಂದ ಕಂಗೊಳಿಸುತ್ತಿದ್ದ ಮೈಸೂರು ಈ ಬಾರಿ ದೀಪಾಲಂಕಾರವಿಲ್ಲದೆ ನಿರಾಭರಣ ಸುಂದರಿಯಾಗಿ ಕಾಣಲಿದೆ. ಮೆರವಣಿಗೆಯು ಚಾಮರಾಜ ಒಡೆಯರ್‌ ವೃತ್ತ, ಸಯ್ಯಾಜಿರಾವ್‌ ರಸ್ತೆ, ಕೃಷ್ಣರಾಜ ವೃತ್ತ, ಹೈವೇ ವೃತ್ತ ಹಾಗೂ ಕೆ.ಎಸ್‌.ಆರ್‌.ಟಿ.ಸಿ. ರಸ್ತೆಯ ಮೂಲಕ ಸಾಗಿ ಬನ್ನಿಮಂಟಪದಲ್ಲಿರುವ ವಿಜಯದಶಮಿ ಉದ್ಯಾನದಲ್ಲಿ ಕೊನೆಗೊಳ್ಳಲಿದೆ. ಜಾಗತಿಕ ವಿಧ್ಯಮಾನದ ಹಿನ್ನೆಲೆಯಲ್ಲಿ ಮೆರವಣಿಗೆಗೆ ಬಿಗಿ ಪೊಲೀಸ್‌ ಬಂದೋಬಸ್ತ್‌ ಏರ್ಪಡಿಸಲಾಗಿದೆ.

    (ಇನ್‌ಫೋ ವಾರ್ತೆ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more