ರಾಜ್ಯದಲ್ಲಿ ಆಂಥ್ರಾಕ್ಸ್‌: 1 ಕೋಟಿ ರು.ಬೆಲೆಯ ಔಷಧಿ ಖರೀದಿಗೆ ಆದೇಶ

ಬೆಂಗಳೂರು : ರಾಜ್ಯದಲ್ಲಿ ಆ್ಯಂಥ್ರಾಕ್ಸ್‌ ಭೀತಿಯ ಕಾರಣ ಜಾಗ್ರತೆಯಿಂದರಲು 1 ಕೋಟಿ ರುಪಾಯಿ ವೆಚ್ಚದಲ್ಲಿ ರೋಗ ನಿರೋಧಕ ಔಷಧಿಗಳನ್ನು ಖರೀದಿಸಲು ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಡಾ.ಎ.ಬಿ.ಮಲಕರೆಡ್ಡಿ ಬುಧವಾರ ತಿಳಿಸಿದ್ದಾರೆ.

ನಮ್ಮ ರಾಜ್ಯಕ್ಕಾಗಲೀ ದೇಶಕ್ಕಾಗಲೀ ಈ ರೋಗ ಹೊಸದಲ್ಲ. ಯಾವುದೇ ರೋಗ ನಿರೋಧಕ (ಆ್ಯಂಟಿ ಬಯಾಟಿಕ್‌) ಔಷಧಗಳಿಂದ ಈ ರೋಗ ನಿಯಂತ್ರಿಸಬಹುದಾಗಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ಒಂದು ಕೋಟಿ ರುಪಾಯಿ ವೆಚ್ಚದಲ್ಲಿ ರೋಗ ನಿರೋಧಕ ಔಷಧಿಗಳನ್ನು ಖರೀದಿಸಿ, ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಮತ್ತಿತರ ಆಸ್ಪತ್ರೆಗಳಿಗೆ ಪೂರೈಸಲಾಗುವುದು. ಜನ ಹೆದರಬೇಕಿಲ್ಲ. ಅನುಮಾನಾಸ್ಪದ ಪುಡಿಯಿರುವ ಲಕೋಟೆ ಬಂದಲ್ಲಿ ಹತ್ತಿರದ ಪೊಲೀಸ್‌ ಠಾಣೆಗೆ ದೂರು ಕೊಡಿ ಎಂದು ಸಾರ್ವಜನಿಕರಿಗೆ ಸಚಿವರು ಸಲಹೆ ಕೊಟ್ಟರು.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...