ಏಕಛತ್ರಿಯಡಿ ತೆಂಗು ಬೆಳೆಗಾರರು, ಜ.26 ತೆಂಗು ರೈತರ ಸಮಾವೇಶ

ಮೈಸೂರು : ಎಲ್ಲ ತೆಂಗು ಬೆಳೆಗಾರರನ್ನು ಒಂದೇ ವೇದಿಕೆಯಡಿ ತರುವ ಉದ್ದೇಶದಿಂದ ಜನವರಿ 26, 2002 ರಂದು ರಾಜ್ಯ ತೆಂಗು ಬೆಳೆಗಾರರ ಬೃಹತ್‌ ಸಮಾವೇಶವನ್ನು ರಾಜ್ಯ ರೈತಸಂಘ ಏರ್ಪಡಿಸಿದೆ.

ನುಸಿರೋಗಕ್ಕೆ ಮದ್ದಿಲ್ಲ ಅನ್ನುವುದು ಹಾಗೂ ನೀರಾ ಇಳಿಸಿದರೆ ಸಮಸ್ಯೆ ಬಗೆಹರಿಯುವುದಿಲ್ಲ ಎನ್ನುವುದು ರೈತಸಂಘಕ್ಕೆ ತಿಳಿದಿದೆ. ಆದರೆ, ಹೊಂಬಾಳೆ ಕೊಯ್ದರೆ ನುಸಿ ಸಾಯುತ್ತದೆ ಎನ್ನುವುದನ್ನು ರೈತರು ಕಂಡುಕೊಂಡಿದ್ದಾರೆ. ಈ ಕುರಿತು ಏಕನಿಲುವನ್ನು ರೂಪಿಸುವುದೇ ಸಮ್ಮೇಳನದ ಉದ್ದೇಶವಾಗಿದೆ ಎಂದು ಸಮಾವೇಶದ ಬಗ್ಗೆ ರೈತ ಸಂಘದ ಅಧ್ಯಕ್ಷ ಕೆ.ಎಸ್‌.ಪುಟ್ಟಣ್ಣಯ್ಯ ಮಂಗಳವಾರ ಸುದ್ದಿಗಾರರಿಗೆ ವಿವರಗಳನ್ನು ನೀಡಿದರು.

ನೀರಾ ಇಳಿಸುವ ಬಗೆಗೆ ಸರ್ಕಾರ ಕ್ರಮಬದ್ಧ ನಿರ್ಧಾರ ಕೈಗೊಂಡಿಲ್ಲ . ಸರ್ಕಾರ ನಿಗದಿಪಡಿಲಿರುವ, ತೆಂಗು ಬೆಳೆಗೆ 50 ಕೋಟಿ ರು. (ಬೆಂಬಲ ಬೆಲೆ ) ಹಾಗೂ ನುಸಿ ಔಷಧಿಗೆ 40 ಕೋಟಿ ರುಪಾಯಿಗಳಿಂದ ಏನೂ ಉಪಯೋಗವಾಗದು ಎಂದು ಪುಟ್ಟಣ್ಣಯ್ಯ ಹೇಳಿದರು.

(ಇನ್ಫೋ ವಾರ್ತೆ)