ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಸಿಸ್ಕೋದಿಂದ ‘ಕೆರಿಯರ್‌ ಕನೆಕ್ಷನ್‌’ ಸೇವೆ ಆರಂಭ

By Staff
|
Google Oneindia Kannada News

ಬೆಂಗಳೂರು : ಇಂಟರ್‌ನೆಟ್‌ನ ನೆಟ್‌ವರ್ಕಿಂಗ್‌ನಲ್ಲಿ ವಿಶ್ವಾಗ್ರೇಸರ ಎನಿಸಿರುವ ಸಿಸ್ಕೋ ಸಿಸ್ಟಮ್ಸ್‌ ಬುಧವಾರ ‘ಭವಿಷ್ಯದ ಸಂಪರ್ಕ’ (ಕೆರಿಯರ್‌ ಕನೆಕ್ಷನ್‌) ಎಂಬ ಹೊಸ ಸೇವೆ ಆರಂಭಿಸಿದೆ. ಇದೊಂದು ಅಂತರ್ಜಾಲ ವೇದಿಕೆಯಾಗಿದ್ದು, ಯುವಜನರಿಗೆ ಆಶಾದೀಪವಾಗಲಿದೆ.

ಶಿಕ್ಷಣ ಸಂಸ್ಥೆಗಳು ಮತ್ತು ಸಿಸ್ಕೋ ನೆಟ್‌ವರ್ಕಿಂಗ್‌ ಅಕಾಡಮಿ ಕಾರ್ಯಕ್ರಮದಲ್ಲಿ ನೋಂದಾಯಿಸಿಕೊಂಡಿರುವ ವಿದ್ಯಾರ್ಥಿಗಳನ್ನು ಕೆರಿಯರ್‌ ಕನೆಕ್ಷನ್‌ ಸೇವೆಯಡಿ ಬೆಸೆದು, ಇಂಟರ್‌ನೆಟ್‌ ಮತ್ತು ನೆಟ್‌ವರ್ಕಿಂಗ್‌ ಕ್ಷೇತ್ರದಲ್ಲಿ ಪ್ರತಿಭಾವಂತರಿಗಾಗಿ ಹುಡುಕುತ್ತಿರುವ ಖಾಸಗಿ ಮತ್ತು ಸಾರ್ವಜನಿಕ ಉದ್ದಿಮೆಗಳೊಂದಿಗೆ ಸಂಪರ್ಕ ಒದಗಿಸಿಕೊಡುವುದು ಈ ಸೇವೆಯ ಉದ್ದೇಶವಾಗಿದೆ.

ಅಂತರ್ಜಾಲದ ಸಮುದಾಯಕ್ಕೆ ಇದೊಂದು ವರವಾಗಲಿದೆ ಎಂದು ಸಿಸ್ಕೋ ಪ್ರಕಟಣೆ ತಿಳಿಸಿದೆ. ಈಗಾಗಲೇ ಏಷ್ಯಾದಲ್ಲಿರುವ ಸಿಸ್ಕೋದ 750 ಅಂತರ್ಜಾಲ ಸಂಪರ್ಕಿತ ಅಕಾಡಮಿಗಳಲ್ಲಿ 30 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ.

ಪ್ರತಿಭಾವಂತರ ಅನ್ವೇಷಣೆಯಲ್ಲಿರುವ ಸಂಸ್ಥೆಗಳಿಗೆ ಹಾಗೂ ಉತ್ತಮ ಅವಕಾಶ ಬಯಸುವ ಪ್ರತಿಭಾವಂತ ವಿದ್ಯಾರ್ಥಿಗಳ ನಡುವೆ ಪರಸ್ಪರ ಸಂಪರ್ಕ ಕಲ್ಪಿಸುವ ಸೇತುವಾಗಿ ಸಿಸ್ಕೋ ಕಾರ್ಯ ನಿರ್ವಹಿಸಲಿದೆ. ಈ ಸೇವೆಯು ಹೊಸ ಸಂಚಲನವನ್ನು ಉಂಟು ಮಾಡಿದ್ದು, ನೆಟ್‌ವರ್ಕಿಂಗ್‌ ಮತ್ತು ಇಂಟರ್‌ನೆಟ್‌ ತಂತ್ರಜ್ಞರ ಬೆಳವಣಿಗೆಗೆ ನೆರವಾಗಲಿದೆ ಎಂದೂ ಪ್ರಕಟಣೆ ಹೇಳಿದೆ.

(ಪಿ.ಟಿ.ಐ)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X