ಗೃಹ ಸಚಿವ ಎಲ್‌.ಕೆ.ಅಡ್ವಾಣಿ ಕಚೇರಿಅಂಗಳದಲ್ಲೂ ಆ್ಯಂಥ್ರಾಕ್ಸ್‌ ಮಾರಿ?

ನವದೆಹಲಿ: ಅಮೇರಿಕಾದಲ್ಲಿ ಆ್ಯಂಥ್ರಾಕ್ಸ್‌ ಸೋಂಕಿನಿಂದಾಗಿ ಇಬ್ಬರು ಅಂಚೆ ನೌಕರರ ಸಾವು ಸಂಭವಿಸಿರುವ ವರದಿಗಳ ಬೆನ್ನಿಗೇ ಭಾರತದಲ್ಲೂ ಆ್ಯಂಥ್ರಾಕ್ಸ್‌ ಭೀತಿ ಹೆಚ್ಚಾಗಿದೆ. ಗೃಹ ಸಚಿವ ಲಾಲ್‌ಕೃಷ್ಣ ಅಡ್ವಾಣಿ ಅವರ ಕಚೇರಿಯನ್ನೂ ರೋಗಾಣು ಭೀತಿ ಕಾಡುತ್ತಿರುವುದು ವಿಶೇಷ.

ರಾಜಧಾನಿಯ ನಾರ್ತ್‌ಬ್ಲಾಕ್‌ನಲ್ಲಿರುವ ಗೃಹಸಚಿವರ ಕಚೇರಿಗೆ ಮಂಗಳವಾರ ತಲುಪಿದ ಬಿಳಿಪುಡಿಯಾಂದನ್ನು ಹೊಂದಿದ್ದ ಅಂಚೆ ಲಕೋಟೆಯಾಂದು, ಕಚೇರಿಯ ಸಿಬ್ಬಂದಿಯಲ್ಲಿ ಗಾಬರಿ ಮೂಡಿಸಿತು. ಈ ಲಕೋಟೆ ಅಡ್ವಾಣಿ ಅವರ ವಿಳಾಸವನ್ನು ಹೊಂದಿತ್ತು . ಬಿಳಿಪುಡಿಯನ್ನು ಆ್ಯಂಥ್ರಾಕ್ಸ್‌ ಎಂದು ಶಂಕಿಸಿರುವ ಕಚೇರಿಯ ಸಿಬ್ಬಂದಿ ಲಕೋಟೆಯನ್ನು ಒಡೆಯದೆ ಪರೀಕ್ಷೆಗಾಗಿ ರಾಷ್ಟ್ರೀಯ ಸಾಂಕ್ರಾಮಿಕ ರೋಗಗಳ (ಎನ್‌ಐಸಿಡಿ) ಪ್ರಯೋಗಾಲಯಕ್ಕೆ ಕಳುಹಿಸಿದ್ದಾರೆ.

ಅಡ್ವಾಣಿ ಅವರ ಕಚೇರಿಗೆ ಬಂದಿರುವಂಥದ್ದೇ ಶಂಕಿತ ಆ್ಯಂಥ್ರಾಕ್ಸ್‌ ವೈರಾಣು ಪುಡಿಯ ಇನ್ನೊಂದು ಲಕೋಟೆ ಆರೋಗ್ಯ ಇಲಾಖೆಯ ಉನ್ನತ ಅಧಿಕಾರಿಯಾಬ್ಬರಿಗೂ ಬಂದಿದೆ ಎಂದು ವರದಿಗಳು ತಿಳಿಸಿವೆ.

(ಪಿಟಿಐ)