ಬೆಂಗಳೂರಿನ ಡಾ.ಆಶಾ ಬೆನಕಪ್ಪಅವರಿಗೆ ಸೀಡ್‌ಗ್ರಾಂಟ್‌ ಪ್ರಶಸ್ತಿ

ಬೆಂಗಳೂರು : ಎದೆ ಹಾಲಿನ ಮಹತ್ವವನ್ನು ಸಾರಿ, ಮಕ್ಕಳಿಗೆ ಎದೆಹಾಲು ನೀಡುವಂತೆ ತಾಯಂದಿರನ್ನು ಪ್ರೇರೇಪಿಸುವಲ್ಲಿ ಯಶಸ್ವಿಯಾಗಿರುವ ನಗರದ ವೈದ್ಯೆ ಡಾ. ಆಶಾ ಬೆನಕಪ್ಪ ಅವರು ಜಿನಿವಾದ ಸೀಡ್‌ ಗ್ರಾಂಟ್‌ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಖ್ಯಾತ ಮಕ್ಕಳ ತಜ್ಞ ಡಾ. ಬೆನಕಪ್ಪ ಅವರ ಪುತ್ರಿಯಾದ ಡಾ. ಆಶಾ ಬೆನಕಪ್ಪ ಅವರು, ಸ್ತನ್ಯಪಾನ ಪ್ರಚಾರದ ಭಾರತ ಸಂಘಟನೆಯ ಬೆಂಗಳೂರು ನಗರ ಸಂಯೋಜಕಿ ಆಗಿದ್ದಾರೆ. ದಕ್ಷಿಣ ಏಷ್ಯಾದಲ್ಲಿ ಹಸು ಗೂಸುಗಳಿಗೆ ಎದೆ ಹಾಲು ಕುಡಿಸುವ ಯೋಜನೆಯನ್ನು ಬಲಪಡಿಸಿದ್ದಕ್ಕಾಗಿ ಅವರಿಗೆ ಈ ಪುರಸ್ಕಾರ ದೊರೆತಿದೆ.

ಇದು ಜಿನಿವಾದ ಶಿಶುಗಳಿಗೆ ಹಾಲುಣಿಸುವ ಸಂಘಟನೆ/ ಅಂತಾರಾಷ್ಟ್ರೀಯ ಮಕ್ಕಳ ಆಹಾರ ಕ್ರಿಯಾ ಜಾಲದ ವಿಶ್ವವ್ಯಾಪಿ ಯೋಜನೆಗಳಲ್ಲೊಂದಾಗಿದೆ.