ಮಣಿಪಾಲದಲ್ಲಿ ನವಂಬರ್‌ 23 ರಿಂದ ‘ಗಿಲಿಗಿಲಿ-2001’

ಮಣಿಪಾಲ: ಅಂತರರಾಷ್ಟ್ರೀಯ ಖ್ಯಾತಿಯ ಜಾದೂಗಾರ ಪ್ರೊ.ಶಂಕರ್‌ ಪ್ರತಿವರ್ಷದಂತೆ ಜಾದೂಗಾರರನ್ನು ಕನ್ನಡ ನೆಲದಲ್ಲಿ ಕಲೆಹಾಕುವ ಪ್ರಯತ್ನ ಮುಂದುವರಿಸಿದ್ದಾರೆ. ಮೂರು ದಿನಗಳ ‘ಗಿಲಿಗಿಲಿ-2001’ ಅಂತರರಾಷ್ಟ್ರೀಯ ಜಾದೂಗಾರರ ಸಮ್ಮೇಳನ ನವಂಬರ್‌ 23 ರಿಂದ ಮಣಿಪಾಲದಲ್ಲಿ ನಡೆಯಲಿದೆ.

ವರ್ಲ್ಡ್‌ ಆಫ್‌ ಮ್ಯಾಜಿಕ್‌ನ ಪ್ರೊ.ಶಂಕರ್‌ ಸಮ್ಮೇಳನದ ಅಧ್ಯಕ್ಷರು. 10 ರಾಷ್ಟ್ರಗಳಿಗೆ ಸೇರಿದ ಸುಮಾರು 800 ಜಾದೂಗಾರರು ಸಮ್ಮೇಳನದಲ್ಲಿ ಭಾಗವಹಿಸುವರು ಎಂದು ಭಾನುವಾರ ಹೊರಬಿದ್ದ ಸುದ್ದಿ ಪ್ರಕಟಣೆಯಲ್ಲಿ ಶಂಕರ್‌ ತಿಳಿಸಿದ್ದಾರೆ.

ಅಮೆರಿಕ, ಕೆನಡಾ, ಇಸ್ರೇಲ್‌, ಬ್ರಿಟನ್‌, ಕ್ಯಾಲಿಪೋರ್ನಿಯಾ, ಆಸ್ಟ್ರೇಲಿಯಾ, ಸ್ವಿಟ್ಜರ್‌ಲ್ಯಾಂಡ್‌, ದುಬೈ, ಮಲೇಷಿಯಾ, ಬಾಂಗ್ಲಾದೇಶ ಹಾಗೂ ಶ್ರೀಲಂಕಾದ ಜಾದೂಗಾರರು ಸಮ್ಮೇಳನದಲ್ಲಿ ಭಾಗವಹಿಸುವರು ಎಂದು ಶಂಕರ್‌ ಹೇಳಿದ್ದಾರೆ.

(ಪಿಟಿಐ)