• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ದಸರೆಯಲ್ಲೊಂದು ಸುತ್ತು

By Staff
|

(ಇನ್ಫೋ ಇನ್‌ಸೈಟ್‌)

ಮೈಸೂರು : Performing Girls of Rajkamal circus ದಸರಾ ಉತ್ಸವದ ಮಾಸಿದ ವೈಭವದ ನಡುವೆ ಮೆರೆಯಲು ಇದೋ ಮತ್ತೆ ಬಂದಿದೆ ರಾಜ್‌ಕಮಲ್‌ ಸರ್ಕಸ್‌.

ಜಿನಿವಾದಲ್ಲಿ ಚಿನ್ನದ ಪದಕ ಗೆದ್ದಿರುವ ಭಾರ ಎತ್ತಿಗ ಚೌಹಾನ್‌, ಸೈಕಲ್ಲಿನಲ್ಲೇ ಚಕಮಕ್ಕು ತೋರುವ ಸುಲೇಮಾನ್‌ ಕೊಲ್ಹಾಪುರೆ, ಸೈಕಲ್‌ ತುಳಿಯುತ್ತಲೇ ಉರಿಯುವ ಕಡ್ಡಿಗಳೊಡನೆ ತರಾವರಿ ಆಟ ತೋರುವ ಸುಮನ್‌ (ಪ್ಯಾರಿಸ್‌ನ ಅಂತರರಾಷ್ಟ್ರೀಯ ಸೈಕಲ್‌ ಸ್ಪರ್ಧೆಯಲ್ಲಿ ಈಕೆಗೆ ಚಿನ್ನದ ಪದಕ ಸಿಕ್ಕಿದೆ) ಸರ್ಕಸ್ಸಿನ ಪ್ರಮುಖ ಆಕರ್ಷಣೆಗಳು.

ಇನ್ನಷ್ಟು ಆಟಗಳು.... : ಒಬ್ಬಾತನ ಹಣೆಯ ಮೇಲೊಂದು ಉದ್ದನೆ ಕಡ್ಡಿ. ಕಡ್ಡಿ ಮೇಲೆ 12 ವರುಷದ ಹುಡುಗಿ. ಆಯ ತಪ್ಪಿದರೆ ಹುಡುಗಿಯ ಸೊಂಟ ಮುರಿಯುತ್ತದೆ. ಆತನ ಹಣೆಬರೆಹ ಕೈಕೊಡುತ್ತದೆ. ಹಣೆ ಮೇಲೆ ನಿಂತ ಮಹಾ ಭಾರದ ಆ ಕಡ್ಡಿ- ಹುಡುಗಿಯೇ ಆತನ ಕಮ್ಮತ್ತು.
ಚೆನ್ನಾದ ಕೆಂಪು ಕೆನ್ನೆಯ ಹುಡುಗಿ ಆಕಾಶದ ಮೇಲೆ ನಡೆಯುತ್ತಿದ್ದಾಳೆ; ಕುಂತ ಭೂಮಿಯಿಂದ 40- 50 ಅಡಿ ಎತ್ತರದಲ್ಲಿ. ಹಾರುವುದಿಲ್ಲ. ಅವಕಾಶದ ಮೇಲೆಯೇ ಆಕೆಯ ನಡಿಗೆ. ಇದು ಜಾದೂ ಅಲ್ಲ. ಬರಿಗಣ್ಣಿಗೆ ಸಲೀಸಾಗಿ ಕಾಣದಂಥ ಚಿಕ್ಕಾತಿಚಿಕ್ಕ ದಾರದ ಮೇಲೆ ಆಕೆಯ ಪುಟ್ಟ ಪುಟ್ಟ ಹೆಜ್ಜೆ. ತಾಳ ತಪ್ಪಿದರೆ ಚೆಲ್ಲಾಪಿಲ್ಲಿಯಾದೀತು ಗೆಜ್ಜೆ.
ಆಫ್ರಿಕದ ಬೆಂಕಿ ಕುಣಿತ. ಅದರ ಬೆನ್ನಲ್ಲೇ ಗಿಳಿಗಳ ಸೈಕಲ್‌ ಸವಾರಿ. ಬಾಗಿಲು ಹಾಕಿದ ಪಂಜರದಲ್ಲಿ ಮೂವರ ಮೂಟಾರ್‌ ಸೈಕಲ್‌ ಸವಾರಿ. ಇದೇನೂ ಹೊಸದಲ್ಲ ಅನ್ನುವಿರೇ? ಕೊಂಚ ತಾಳಿ, ಬೈಕ್‌ ಸವಾರರೆಲ್ಲಾ ಹುಡುಗಿಯರು !
The Jumbo and girl showಚಕಮಕಿಗಳೆಲ್ಲದರ ಮಜಾ ಕಣ್ಣಲ್ಲಿ ಮನೆ ಮಾಡಿರುವಾಗಲೇ ಜಂಬೋ ಕ್ರಿಕೆಟ್ಟು. ಒಂದು ಚೆಂಡು ಎಸೆದರೆ, ಬ್ಯಾಟ್‌ ಹಿಡಿದ ಮತ್ತೊಂದು ಆನೆ ಅದನ್ನು ಹೊಡೆಯುತ್ತದೆ.


ಅಂದಹಾಗೆ, ದಸರಾ ಉತ್ಸವಕ್ಕೆ ಹೋಗುವವರು ಖಂಡಿತಾ ಈ ಅಪರೂಪದ ಮಜಾ ನೋಡಿಬನ್ನಿ. ಪ್ರತಿದಿನ 3 ಪ್ರದರ್ಶನ- ಮಧ್ಯಾಹ್ನ 1, 4 ಗಂಟೆ ಹಾಗೂ ರಾತ್ರಿ 7 ಗಂಟೆಗೆ.

ದಸರಾ ಆನೆಗಳಿಗೆ ಕುಡಿಯಲು ಸಾಕಷ್ಟು ನೀರಿಲ್ಲ : ವಿಜಯ ದಶಮಿಯಂದು ಚಿನ್ನದ ಅಂಬಾರಿ ಹೊರುವ ಬಲರಾಮ, ಇವನ ಬಾಲಂಗೋಚಿ ಭರತ, ನಂತರದ ಅರ್ಜುನ ಎಲ್ಲರಿಗೂ ನೀರಡಿಕೆ ಆರುತ್ತಿಲ್ಲ. ಒಂದೆಡೆ ಸರ್ಕಸ್ಸಿನಲ್ಲಿ ಕ್ರಿಕೆಟ್‌ ತೋರಿ ತೋರಿ ಆನೆಗಳು ಉಸ್ಸಪ್ಪಾ ಅನ್ನುತ್ತಿದ್ದರೆ, ಈ ಕರಿವದನರು ಪುಟ್ಟ ನಲ್ಲಿಯಿಂದ ಸರಬರಾಜಾಗುವ ನೀರಲ್ಲಿ ಸ್ನಾನ ಮಾಡಬೇಕು !

ದಸರಾ ಅಂದರೆ ಆನೆಗಳಿಗೆ ಮಜವೋ ಮಜ. ಪಂಪ್‌ ಹೊರಹಾಕುವ ನೀರಿನಲ್ಲಿ ಗಜಗಜಾಯಿಸುವ ಮದಗಜಗಳೆಷ್ಟು ಚೆನ್ನ. ಈ ಬಾರಿ ದಸರೆಗೆ ಕತ್ತಲು ಕವಿದಿದೆ. ಮಿರಿ ಮಿರಿ ದೀಪಗಳ ‘ಕರಿ’ಗಳು ಕಣ್ಣತುಂಬಿಸಿಕೊಳ್ಳುತ್ತಿರುವಾಗಲೇ ಇದ್ದಕ್ಕಿದ್ದಂತೆ ಕರೆಂಟು ಕೈಕೊಡುತ್ತದೆ. ನೀರು ಸರಾಬರ ಬಂದರೇನೆ ಆನೆಗಳಿಗೆ ಸಂಪೂರ್ಣ ಸ್ನಾನ. ಮನದಣಿಯೆ ನೀರು. ಆದರೆ ಕರೆಂಟು ಕೈಕೊಟ್ಟರೆ ಅರಮನೆ ಆವರಣದ ಜನರೇಟರ್‌ ಈಗ ಸದ್ದು ಮಾಡೋದೇ ಇಲ್ಲ. ಅದು ಕೆಟ್ಟು 15 ದಿನಗಳಾಗಿವೆ. ಅಧಿಕಾರಿಗಳ ಪ್ರಕಾರ ಸರಿ ಮಾಡಿಸಲು ಕಾಸಿಲ್ಲ.

ಇದೆಂಥಾ ದಸರಾ, ಆನೆಗಳೂ ದೂರು ಕೊಡುವಂತಾಯಿತೆ ಎಂದು ದೂರದೂರಿಂದ ಬಂದ ಜನ ದೂರುತ್ತಿರುವುದು ಕರ್ನಾಟಕದ ಸಂಸ್ಕೃತಿಗೇ ಕಪ್ಪು ಚುಕ್ಕೆ. ಆನೆಗಳಿಗೆ ದಾಹ ತಣಿಯೆ ನೀರು ಬೇಕು ಅನ್ನೋದಷ್ಟೇ ಗೊತ್ತೇ ಹೊರತು ಜನರೇಟರ್‌ ಸರಿಪಡಿಸಲು ಕಾಸಿಲ್ಲ ಅನ್ನುವುದು ಗೊತ್ತಾಗುವುದಿಲ್ಲವಲ್ಲ. ಗೊತ್ತಿದ್ದರೆ ಚೆನ್ನಾಗಿತ್ತು ಅಲ್ಲವೇ?

ಮೈಸೂರು ದಸರಾ - 2001

ದಸರೆಯನ್ನು ಸರಳೀಕರಣಗೊಳಿಸುವುದು ತರವಲ್ಲ :ಬಿ. ಸರೋಜಾದೇವಿ

ಜಂಬೂ ಸವಾರಿಗೆ ಭರದ ಸಿದ್ಧತೆ

ಮೈಸೂರು ದಸರಾ ಮಹೋತ್ಸವಕ್ಕೆ ಒಡೆಯರ್‌ಗೆ ಸರ್ಕಾರದ ಆಹ್ವಾನ

ಜಂಬೂಸವಾರಿಗೆ ಕುಟುಕು ಜೀವ

ಜಂಬೂಸವಾರಿ ಇಲ್ಲ

ಮೈಸೂರು ದಸರಾ ಮೆರವಣಿಗೆ ರದ್ದು : ಸಂಸ್ಕೃತಿ ಸಚಿವರ ಇಂಗಿತ

ಸೆ.20 ರಂದು ಬಲರಾಮನೊಂದಿಗೆ ಐದು ಆನೆಗಳು ಮೈಸೂರಿಗೆ

ಹುಣಸೂರು ಅರಣ್ಯದಿಂದ ದಸರೆಗೆ ಬಂದ ಬಲರಾಮ ಬಳಗಕ್ಕೆ ಸ್ವಾಗತ

ಮೈಸೂರು ದಸರಾ ಕ್ರೀಡಾಕೂಟ ರದ್ದು , ಕುಸ್ತಿಗೆ ಮಾತ್ರ ವಿನಾಯ್ತಿ!

ದಸರೆ ಹತ್ತಿರ ಬಂತು, ಎಲ್ಲಿ ಹೋದೆಯೋ ಗಜರಾಜ ಬಲರಾಮ!

ವೀರನ ಹೊಸಹಳ್ಳಿ ಅರಣ್ಯದಲ್ಲಿ ಆನೆ ಬಲರಾಮ ಪತ್ತೆಯಾಗಿದ್ದಾನೆ

ವೈಭವಾಡಂಬರದ ದಸರೆಯ ಆಚರಣೆಗೆ ಈ ವರ್ಷವೂ ಅಡ್ಡಿ

ಈ ಬಾರಿ ಸಂಭ್ರಮ, ಸಡಗರದ ದಸರಾ ಆಚರಣೆ : ಸರ್ಕಾರದ ಸಮ್ಮತಿ

ಮೈಸೂರು ದಸರಾ ವಸ್ತು ಪ್ರದರ್ಶನ ಖಾಸಗಿಯವರ ಕೈಗೆ?

ದೂಸರಾ ಇಲ್ಲದ ಮೈಸೂರು ದಸರ, ಅದೆಷ್ಟು ಸುಂದರ

Click here to go to topಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more