ಎಂ.ಟಿ.ಆರ್‌.ನ ಸದಾನಂದ ಮಯ್ಯರಿಗೆ ಕೆ.ಎಂ. ಕಾರಂತ ಪ್ರಶಸ್ತಿ

ಕುಂದಾಪುರ : ಖ್ಯಾತ ಪತ್ರಕರ್ತ, ಉದ್ಯಮಿ ದಿವಂಗತ ಕೆ.ಎಂ. ಕಾರಂತರ ಹೆಸರಿನಲ್ಲಿ ನೀಡಲಾಗುವ ಕೊ.ಮ. ಕಾರಂತ ಪ್ರಶಸ್ತಿಗೆ ಈ ಬಾರಿ ಎಂ.ಟಿ.ಆರ್‌. ಫುಡ್‌ ಪ್ರಾಡಕ್ಟ್ಸ್‌ ನಿರ್ದೇಶಕ ಪಿ. ಸದಾನಂದ ಮಯ್ಯ ಆಯ್ಕೆಯಾಗಿದ್ದಾರೆ.

ಸಿದ್ಧ ತಿನಿಸು ಉತ್ಪಾದನೆಯಲ್ಲಿ ಯಶಸ್ವೀ ಪ್ರಯೋಗಗಳನ್ನು ನಡೆಸಿ, ದೇಶ ವಿದೇಶಗಳಿಗೂ ಕನ್ನಡನಾಡಿನ ತಿನಿಸುಗಳ ಪರಿಮಳ ಪಸರಿಸಿದ ಮಯ್ಯರನ್ನು 2001ನೇ ಸಾಲಿನ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ ಎಂದು ಕಾರಂತ ಪ್ರತಿಷ್ಠಾನದ ಹೇಳಿಕೆ ತಿಳಿಸಿದೆ.

ಪತ್ರಕರ್ತರಾಗಿ, ಬ್ಯಾಂಕರ್‌ ಆಗಿ ಹಾಗೂ ರಾಷ್ಟ್ರೀಯ ತರಬೇತುದರರಾಗಿದ್ದ ಕಾರಂತರ ಹೆಸರಿನಲ್ಲಿ ಪ್ರತಿಷ್ಠಾನವು 1999ರಿಂದ ಪ್ರಶಸ್ತಿ ನೀಡುತ್ತಾ ಬಂದಿದೆ. ಈ ಪ್ರಶಸ್ತಿಗೆ ಯಾವುದೇ ರಂಗದಲ್ಲಿ ಅತ್ಯುತ್ತಮ ಸೇವೆ ಸಲ್ಲಿಸಿದ ಒಬ್ಬರನ್ನು ಪ್ರತಿವರ್ಷ ಆಯ್ಕೆ ಮಾಡುತ್ತದೆ. ಕರ್ನಾಟಕ ರಾಜ್ಯ ಕ್ರಿಕೆಟ್‌ ಅಸೋಸಿಯೇಷನ್‌ ಗೌರವ ಕೋಶಾಧಿಕಾರಿಯಾಗಿಯೂ ಸೇವೆ ಸಲ್ಲಿಸಿರುವ ಮಯ್ಯರಿಗೆ ನರಸಿಂಹ ಪ್ರಶಸ್ತಿ , ಭಾರ್ಗವ ಪ್ರಶಸ್ತಿ ಯೇ ಮೊದಲಾದ ಹತ್ತು ಹಲವು ಪುರಸ್ಕಾರಗಳು ಲಭಿಸಿವೆ.

(ಇನ್‌ಪೋ ವಾರ್ತೆ)
ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...