ಲ್ಯಾಡೆನ್ಗೆ ಮುನ್ನ ಒಮರ್ನ ಗುರಿಯಾಗಿಸಿಕೊಳ್ಳಿ-ಮುಷರ್ರಫ್ ಸಲಹೆ
ವಾಷಿಂಗ್ಟನ್: ಅಂತರರಾಷ್ಟ್ರೀಯ ಪಾತಕಿ ಒಸಾಮ ಬಿನ್ ಲ್ಯಾಡೆನ್ನತ್ತ ಕಣ್ಣು ಹಾಯಿಸುವ ಮುನ್ನ ತಾಲಿಬಾನ್ ಸರ್ವಾಧಿಕಾರಿ ಮುಲ್ಲಾ ಮೊಹಮದ್ ಒಮರ್ನನ್ನು ವಶಕ್ಕೆ ತೆಗೆದುಕೊಳ್ಳುವಂತೆ ಪಾಕಿಸ್ತಾನದ ಅಧ್ಯಕ್ಷ ಜನರಲ್ ಪರ್ವೇಜ್ ಮುಷರ್ರಫ್ ಅಮೆರಿಕಾಗೆ ಸಲಹೆ ನೀಡಿದ್ದಾರೆ ಎಂದು ಸೋಮವಾರ ವರದಿಯಾಂದು ತಿಳಿಸಿದೆ.
ಅಮೆರಿಕಾದ ರಾಜ್ಯ ಕಾರ್ಯದರ್ಶಿ ಕೊಲಿನ್ ಪೊವೆಲ್ ಅವರು ಪಾಕಿಸ್ತಾನಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ಒಮರ್ನನ್ನು ಮೊದಲ ಗುರಿಯಾಗಿಸಿಕೊಳ್ಳುವ ಕುರಿತು ಮುಷರ್ರಫ್ ಚರ್ಚಿಸುವರು. ಅಮೆರಿಕದ ದೈನಿಕ ಯುಎಸ್ ಟುಡೆ ಹಾಗೂ ಸಿಬಿಎಸ್ ವಾಹಿನಿಗೆ ಕಳೆದ ವಾರಾಂತ್ಯದಲ್ಲಿ ನೀಡಿರುವ ಸಂದರ್ಶನದಲ್ಲಿ ಮುಷರ್ರಫ್ ಈ ವಿಷಯ ತಿಳಿಸಿದ್ದಾರೆ.
ಮೊದಲು ಮುಲ್ಲಾ ಒಮರ್ನನ್ನು ಹಿಡಿಯಿರಿ. ಲ್ಯಾಡೆನ್ ನಿರಂತರ ಪಲಾಯನದಲ್ಲಿ ತೊಡಗರುವುದರಿಂದ ಆತನನ್ನು ಹಿಡಿಯಲು ಸಾಧ್ಯವಿಲ್ಲ ಎಂದು ಮುಷರ್ರಫ್ ಅಭಿಪ್ರಾಯಪಟ್ಟಿದ್ದಾರೆ.
ಆಪ್ಘಾನಿಸ್ತಾನದಲ್ಲಿ ಬಿನ್ ಲ್ಯಾಡೆನ್ನ ನಿರ್ದಿಷ್ಟ ನೆಲೆಯ ಬಗ್ಗೆ ಪಾಕಿಸ್ತಾನದ ಬಳಿ ಮಾಹಿತಿಯಿಲ್ಲ . ಆದರೆ ಲ್ಯಾಡೆನ್ ತಾವು ತಿಳಿಯುವ ಬಗ್ಗೆ ಇಂಟೆಲಿಜೆನ್ಸ್ ಪಡೆಗಳು ತೀವ್ರ ಪ್ರಯತ್ನ ನಡೆಸುತ್ತಿವೆ ಎಂದು ಮುಷರ್ರಫ್ ಸೋಮವಾರ ಅಮೆರಿಕಾಗೆ ತಿಳಿಸಿದ್ದಾರೆ.
(ಪಿಟಿಐ)