ವೀರಪ್ಪನ್‌ ಜಾಡು ಹುಡುಕುತ್ತಿದ್ದ ಪೊಲೀಸರಿಗೆ ಸಿಕ್ಕಿದ್ದು ಅನಧಿಕೃತ ಮದ್ಯ

ಸೇಲಂ : ನರಹಂತಕ ವೀರಪ್ಪನ್‌ ಶಿಕಾರಿ ಕಾರ್ಯಾಚರಣೆಯಲ್ಲಿ ನಿರತರಾಗಿದ್ದ ವಿಶೇಷ ಕಾರ್ಯಾಪಡೆಯ ಸಿಬ್ಬಂದಿ, ಮೆಟ್ಟೂರು ಸಮೀಪ ಕಾರೊಂದರಲ್ಲಿ ಸಾಗಿಸುತ್ತಿದ್ದ ಸುಮಾರು 100 ಲೀಟರ್‌ ಅನಧಿಕೃತ ಮದ್ಯವನ್ನು ವಶಪಡಿಸಿಕೊಂಡಿದ್ದು , ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಪ್ರತಿನಿತ್ಯದಂತೆ ಗಸ್ತು ತಿರುಗುತ್ತಿದ್ದ ಪೊಲೀಸರು, ಶಂಕಾಸ್ಪದ ವೇಗದಲ್ಲಿ ಹೋಗುತ್ತಿದ್ದ ಕಾರನ್ನು ತಡೆದು ನಿಲ್ಲಿಸಿದಾಗ ಅನಧಿಕೃತ ಮದ್ಯ ಸಾಗಿಸುತ್ತಿದ್ದುದು ಬೆಳಕಿಗೆ ಬಂತು ಎಂದು ಸೋಮವಾರ ಪೊಲೀಸರು ಹೇಳಿದ್ದಾರೆ.

ಪೊಲೀಸರು ಕೈ ತೋರಿಸಿದ ಮಾತ್ರಕ್ಕೆ ಡ್ರೆೃವರ್‌ ಕಾರನ್ನೇನೂ ನಿಲ್ಲಿಸಿಲ್ಲ . ತಮ್ಮ ಸೂಚನೆ ಮೀರಿಯೂ ಮುನ್ನುಗ್ಗಿದ ಕಾರಲ್ಲಿ ಏನಿದೆಯೋ ಎನ್ನುವ ಕುತೂಹಲದಿಂದ ಪೋಲೀಸರು ಬೆನ್ನಟ್ಟಿದಾಗ, ಚಿನ್ನಥಂಡ ಊರಿ-ನ ಬಳಿ ಕಾರು ಪೊಲೀಸರ ವಶಕ್ಕೆ ಸಿಕ್ಕಿದೆ. ಆದರೆ, ಕಾರಲ್ಲಿದ್ದುದು ವೀರಪ್ಪನ್‌ ಅಲ್ಲ - ಮದ್ಯ!

ಮದ್ಯ ಸಾಗಿಸುತ್ತಿದ್ದುದು ವೀರಪ್ಪನ್‌ ಗುಂಪಿಗಾ ಅನ್ನುವುದು ತಿಳಿದುಬಂದಿಲ್ಲ .

(ಪಿಟಿಐ)