ಆಂಥ್ರ್ಯಾಕ್ಸ್‌ ಮಾರಿಯ ಖಂಡಾಂತರ ಪಯಣ, ಈಗ ಆಸ್ಟ್ರೇಲಿಯಾಕ್ಕೆ

ಮೆಲ್ಬೋರ್ನ್‌ : ಅಮೆರಿಕನ್ನರನ್ನು ಬಿಟ್ಟೂ ಬಿಡದೆ ಕಾಡುತ್ತಿರುವ ಆಂಥ್ರ್ಯಾಕ್ಸ್‌ ರೋಗಾಣು ಆಸ್ಟ್ರೇಲಿಯಾದಲ್ಲೂ ಕಾಣಿಸಿಕೊಂಡಿದ್ದು , ಇಲ್ಲಿನ ಅಮೆರಿಕ ಹಾಗೂ ಬ್ರಿಟನ್‌ನ 9 ಮಂದಿ ರಾಜತಾಂತ್ರಿಕರು ಹಾಗೂ ಇತರ 6 ಮಂದಿ ನಾಗರಿಕರು ಆಂಥ್ರ್ಯಾಕ್ಸ್‌ ನಿಂದ ನರಳುತ್ತಿರುವ ವಿಷಯ ಸೋಮವಾರ ವರದಿಯಾಗಿದೆ.

ಮೆಲ್ಬೋರ್ನ್‌ನಲ್ಲಿ ನ ಅಮೆರಿಕದ ರಾಜತಾಂತ್ರಿಕ ಸಂಶ-ಯಾಸ್ಪದ ಬಿಳಿ ಪುಡಿ ರಾಸಾಯಿನಿಕ ಹೊಂದಿದ್ದ ಪತ್ರವನ್ನು ಪಡೆದಿದ್ದು , ಈ ಪತ್ರದ ಮೂಲಕ ರೋಗಾಣು ಹರಡಿರಬಹುದೆಂದು ರಕ್ಷಣಾ ಅಧಿಕಾರಿಗಳು ಶಂಕಿಸಿದ್ದಾರೆ. ಬ್ರಿಸ್ಬೇನ್‌ನಲ್ಲಿನ ಬ್ರಿಟನ್‌ ರಾಜತಾಂತ್ರಿಕ ಕಚೇ-ರಿ-ಗೂ ಇಂಥದ್ದೇ ಪತ್ರ ಬಂದಿದೆ ಎಂದು ವರದಿಗಳು ತಿಳಿಸಿವೆ.

ಈ ನಡುವೆ ನ್ಯೂಯಾರ್ಕ್‌ನಲ್ಲಿ ಇತರ ಮೂರು ಆಂಥ್ರ್ಯಾಕ್ಸ್‌ ಪ್ರಕರಣಗಳು ಭಾನುವಾರ ವರದಿಯಾಗಿವೆ. ಆಂಥ್ರ್ಯಾಕ್ಸ್‌ ಪ್ರಸರಣ ಸಾಧ್ಯತೆಗಳ ಬಗ್ಗೆ ಸ್ಪಷ್ಟ ಸಾಕ್ಷ್ಯಗಳು ಇಲ್ಲದಿದ್ದರೂ, ರೋಗಾಣುಗಳ ಪ್ರಸರಣದಲ್ಲಿ ಅಂತರರಾಷ್ಟ್ರೀಯ ಪಾತಕಿ ಒಸಾಮ ಬಿನ್‌ ಲ್ಯಾಡೆನ್‌ ಕೈವಾಡ ಇರುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ ಎಂದು ಅಟಾರ್ನಿ ಜನರಲ್‌ ಜಾನ್‌ ಆಶ್ಚ್‌ರಾಫ್ಟ್‌ ತಿಳಿಸಿದ್ದಾರೆ.

(ಪಿಟಿಐ)

ವಾರ್ತಾ ಸಂಚಯ
ಮುಖಪುಟ / ‘ಆಪರೇಷನ್‌ ಎಂಡ್ಯೂರಿಂಗ್‌ ಫ್ರೀಡಂ’