ಮಂಗಳೂರು ಸಮೀಪ 3605 ಲೀಟರ್‌ ಅನಧಿಕೃತ ಮದ್ಯ ವಶ

ಮಂಗಳೂರು : ನಗರ ಹೊರ ವಲಯದ ಪಡೀಲ್‌ ಜಂಕ್ಷನ್‌ ಸಮೀಪ ಅನಧಿಕೃತವಾಗಿ ಸಾಗಿಸುತ್ತಿದ್ದ 3605 ಲೀಟರ್‌ ಮದ್ಯವನ್ನು ಅಬಕಾರಿ ಇಲಾಖೆ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

ಉಡುಪಿಯಿಂದ ಬೆಂಗಳೂರಿಗೆ ಯಾವುದೇ ಪರವಾನಗಿ ಇಲ್ಲದೆ, ಲಾರಿಯಲ್ಲಿ ಸಾಗಿಸುತ್ತಿದ್ದ , 12 ಲಕ್ಷ ರುಪಾಯಿ ಮೌಲ್ಯದ 400 ಮದ್ಯದ ಬಾಕ್ಸ್‌ಗಳನ್ನು ಶುಕ್ರವಾರ ರಾತ್ರಿ ವಶಪಡಿಸಿಕೊಳ್ಳಲಾಯಿತು ಎಂದು ಉಪ ಅಬಕಾರಿ ಅಧೀಕ್ಷಕ ಎನ್‌.ಎಂ. ಹುಸೇನ್‌ ಅವರು ಸುದ್ದಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಅನಧಿಕೃತವಾಗಿ ಮದ್ಯ ಸಾಗಿಸುತ್ತಿದ್ದ ಲಾರಿಯನ್ನು ಸೀಜ್‌ ಮಾಡಲಾಗಿದೆ. ತಿಂಗಳ ಅವಧಿಯಲ್ಲಿ ಇಂಥ ಘಟನೆ ನಡೆಯುತ್ತಿರುವುದು ಐದನೇ ಬಾರಿಯಾಗಿದೆ.

(ಪಿಟಿಐ)