ಇನ್ಫೋಸಿಸ್‌ ತ್ರೆೃಮಾಸಿಕ ವರದಿ: ಐಟಿ ಷೇರ್‌ ಮಾರ್ಕೆಟ್‌ನಲ್ಲಿ ಸಂಚಲನ

ನವದೆಹಲಿ : ಇನ್ಫೋಸಿಸ್‌ನ ಪ್ರಸಕ್ತ ವಿತ್ತ ವರ್ಷದ ದ್ವಿತೀಯ ತ್ರೆೃಮಾಸಿಕ ವರದಿ ಹೊರಬಿದ್ದ ನಂತರ ಷೇರು ಮಾರುಕಟ್ಟೆ ಸಾಕಷ್ಟು ಚೇತರಿಸಿಕೊಂಡಿದೆ. ಪರಿಣಾಮ ಸ್ಥಳೀಯ ಹಾಗೂ ವಿದೇಶೀ ಷೇರು ಗ್ರಾಹಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಿದೆ. ಹೀಗಾಗಿ ದೆಹಲಿ ಸ್ಟಾಕ್‌ ಎಕ್ಸ್‌ಚೇಂಜ್‌ (ಡಿಎಸ್‌ಇ) ನಲ್ಲಿನ ಸೂಚ್ಯಂಕದಲ್ಲಿ ಶುಕ್ರವಾರ 3.11ಪಾಯಿಂಟ್‌ಗಳಷ್ಟು ಏರಿಕೆ ಕಂಡುಬಂದಿತು.

ಅರ್ಧ ತಾಸಿನ ವಹಿವಾಟಿನಲ್ಲಿ ಸೂಚ್ಯಂಕ 783.25 ಮುಟ್ಟಿತು. ಕಳೆದೊಂದು ತಿಂಗಳಿಂದ ಪೆಚ್ಚು ಮೋರೆ ಮಾಡಿಕೊಂಡಿದ್ದ ಷೇರು ದಲ್ಲಾಳಿಗಳು ಶುಕ್ರವಾರ ಖುಷಿಯಾಗಿದ್ದರು. ಹಿಂದೂಸ್ಥಾನ್‌ ಲಿವರ್‌, ಬೋನಸ್‌ ಡಿಬೆಂಚರು ಪ್ರಕಟಿಸಿದ್ದು , ಇನ್ಫೋಸಿಸ್‌ ತ್ರೆೃಮಾಸಿಕ ವರದಿ ಮಾರುಕಟ್ಟೆಗೆ ಪೂರಕವಾದ ಹಲವಾರು ಅಂಶಗಳನ್ನು ಒಳಗೊಂಡಿದ್ದು ಷೇರು ಮಾರುಕಟ್ಟೆಗೆ ಉಸಿರು ಮರಳಿದೆ.

ಅಮೆರಿಕೆಯ ನಾಸ್ದಾಕ್‌ ಸೂಚ್ಯಂಕ ಕೂಡ ಗುರುವಾರ ರಾತ್ರಿ 4.62 ಪ್ರತಿಶತ ಏರಿತು. ಉಗ್ರರು ದಾಳಿ ನಡೆಸಿದ ಒಂದು ತಿಂಗಳ ನಂತರ ಇದೇ ಮೊದಲ ಬಾರಿಗೆ ಷೇರು ಮಾರುಕಟ್ಟೆಗೆ ಜೀವಬಂದಿರುವುದು. ಕಳೆದೊಂದು ತಿಂಗಳಿಂದ ನಷ್ಟ ಅನುಭವಿಸುತ್ತಲೇ ಬಂದಿದ್ದ ವಾಲ್‌ಸ್ಟ್ರೀಟ್‌ನಲ್ಲಿ ಸಾಕಷ್ಟು ಸುಧಾರಣೆ ಕಂಡುಬಂದಿದೆ. ಇನ್ಫೋಸಿಸ್‌ ಟೆಕ್ನಾಲಜೀಸ್‌, ಡಿಎಸ್‌ಕ್ಯು ಸಾಫ್ಟ್‌ವೇರ್‌, ಹಿಮಾಚಲ್‌ ಫ್ಯುಚರಿಸ್ಟಿಕ್‌, ಗ್ಲೋಬಲ್‌ ಟೆಲಿಫಿಲ್ಮ್‌ ಹಾಗೂ ರಿkುೕ ಟೆಲಿಫಿಲ್ಮ್‌ ಷೇರುಗಳಿಗೆ ಸಾಕಷ್ಟು ಬೆಲೆ ದೊರೆಯುತ್ತಿದೆ. ಷೇರು ಮಾರುಕಟ್ಟೆಯಲ್ಲಿ ಭಾರೀ ಸದ್ದು ಮಾಡುತ್ತಿರುವುದೆಂದರೆ ರಿಲಯನ್ಸ್‌ ಗ್ರೂಪ್ಸ್‌.

(ಪಿಟಿಐ)