ಕಾಬೂಲ್‌, ಕಂದಹಾರ್‌, ಜಲಾಲಬಾದ್‌ನಲ್ಲಿ ಸಾವಿನ ಧ್ವನಿಗಳು

ಇಸ್ಲಮಾಬಾದ್‌: ಅಮೆರಿಕ ಹಾಗೂ ಮಿತ್ರರಾಷ್ಟ್ರಗಳು ಆಪ್ಘಾನಿಸ್ತಾನದ ಮೇಲೆ ನಡೆಸಿದ ಬಾಂಬ್‌ ದಾಳಿಯಲ್ಲಿ , 20 ಕ್ಕೂ ಹೆಚ್ಚು ಮಂದಿ ಕಾಬೂಲ್‌ನಲ್ಲಿ ಬಲಿಯಾಗಿದ್ದಾರೆ ಎಂದು ಆಪ್ಘನ್‌ ಇಸ್ಲಾಮಿಕ್‌ ಪ್ರೆಸ್‌ (ಎಐಫಿ) ಏಜೆನ್ಸಿ ಸೋಮವಾರ ವರದಿ ಮಾಡಿದೆ.

ಷರಿಯತ್‌ ರೇಡಿಯೋ ಸಮೀಪದ ಕಚೇರಿಗಳ ಬಳಿ 10 ಮಂದಿ ಬಲಿಯಾಗಿದ್ದರೆ, ಕಾಬೂಲ್‌ ವಿಮಾನ ನಿಲ್ದಾಣದ ಆಸುಪಾಸು 10 ಜನ ಬಲಿಯಾಗಿದ್ದಾರೆ. ಆದರೆ ಸಾವಿನ ಸಂಖ್ಯೆ ಹೆಚ್ಚಿರುವ ಸಾಧ್ಯತೆಗಳಿವೆ ಎಂದು ವರದಿ ತಿಳಿಸಿದೆ. ಪೇಷಾವರದಲ್ಲಿನ ತಾಲಿಬಾನ್‌ ರಾಯಭಾರಿ ಪ್ರತಿನಿಧಿ ಮೌಲ್ವಿ ನಜಾಹುದ್ದೀನ್‌ ಅವರು ಕೂಡ, ಸಾವು ನೋವುಗಳು ಸಂಭವಿಸಿರುವುದನ್ನು ದೃಢೀಕರಿಸಿದ್ದಾರೆ. ಕಾಬೂಲ್‌, ಕಂದಹಾರ್‌ ಹಾಗೂ ಜಲಾಲಬಾದ್‌ಗಳಲ್ಲಿ ಹಾನಿ ಸಂಭವಿಸಿದ್ದು , ಸಾವು ನೋವಿನ ಪ್ರಮಾಣ ತಿಳಿದುಬಂದಿಲ್ಲ ಎಂದು ಅವರು ಹೇಳಿದ್ದಾರೆ.

ಸಾವು ನೋವು ಇಲ್ಲ

ಅಮೆರಿಕ ಹಾಗೂ ಮಿತ್ರ ರಾಷ್ಟ್ರಗಳು ನಡೆಸಿರುವ ವಾಯು ದಾಳಿಯಲ್ಲಿ ಆಪ್ಘನ್‌ ನಾಗರಿಕರು ಸಾವು ನೋವು ಸಂಭವಿಸಿರುವ ವರದಿಗಳನ್ನು ತಾಲಿಬಾನ್‌ ಬಂಡು ಮುಖಂಡರು ನಿರಾಕರಿಸಿದ್ದಾರೆ.

(ಪಿಟಿಐ)