ಕಾಬೂಲ್‌ನಲ್ಲಿ ಗಸ್ತು ತಿರುಗುತ್ತಿದ್ದ ವಿಮಾನದಮೇಲೆ ಕ್ಷಿಪಣಿ ದಾಳಿ

ದುಬೈ: ಆಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್‌ ಮೇಲೆ ಶನಿವಾರ ಗಸ್ತು ತಿರುಗುತ್ತಿದ್ದ ಅಪರಿಚಿತ ವಿಮಾನವೊಂದರ ಮೇಲೆ ತಾಲಿಬಾನ್‌ ಮಿಲಿಟರಿ ಆಡಳಿತ ಕ್ಷಿಪಣಿ ದಾಳಿ ನಡೆಸಿದೆ. ಈ ದಾಳಿಯ ದೃಶ್ಯಗಳನ್ನು ಕತಾರ್‌ನ ಅಲ್‌ - ಜರಿkುೕರಾ ಉಪಗ್ರಹ ಟಿ.ವಿ. ಚಾನೆಲ್‌ ಪ್ರಸಾರ ಮಾಡಿದೆ.

ತಾಲಿಬಾನ್‌ ಪಡೆ ಹಾರಿಸಿದ ಕ್ಷಿಪಣಿಯು ಅತಿ ಎತ್ತರದಲ್ಲಿ ಹಾರುತ್ತಿದ್ದ ವಿಮಾನವನ್ನು ಸ್ಫೋಟಿಸುವಲ್ಲಿ ವಿಫಲವಾಗಿದೆ. ಈ ಮಧ್ಯೆ ಪ್ರತಿ ದಾಳಿಯ ಶಬ್ದವೂ ಪ್ರಸಾರಾವಧಿಯಲ್ಲಿ ಕೇಳಿಬಂದಿದೆ. ತಮ್ಮ ತಲೆಯ ಮೇಲೆ ವಿಮಾನ ಹಾರುತ್ತಿರುವುದನ್ನು ನೋಡುತ್ತಿರುವ ಆಫ್ಘನ್‌ ಜನತೆ ಈ ಹೊತ್ತು ಭಯಭೀತರಾಗಿದ್ದಾರೆ.

ಇದಕ್ಕೂ ಮುನ್ನ ಆಫ್ಘಾನಿಸ್ತಾನದ ಗಡಿ ಭಾಗದಲ್ಲಿರುವ ಪಾಕಿಸ್ತಾನ್‌ ವಾಯುನೆಲೆಯಲ್ಲಿ ಅಮೆರಿಕಾ ಯುದ್ಧ ವಿಮಾನಗಳು ಗಸ್ತು ತಿರುಗುತ್ತಿವೆ ಎಂದು ಪಾಕಿಸ್ತಾನ್‌ ಅಬ್ಸರ್‌ವರ್‌ ವರದಿ ಮಾಡಿತ್ತು.

(ಎಎಫ್‌ಪಿ)

ವಾರ್ತಾಸಂಚಯ
ಮುಖಪುಟ / ‘ಆಪರೇಷನ್‌ ಎಂಡ್ಯೂರಿಂಗ್‌ ಫ್ರೀಡಂ’