ಶ್ರೀನಗರದ ಗುಂಡಿನ ಚಕಮಕಿಯಲ್ಲಿ ಸಂಕೇಶ್ವರದ ಸೈನಿಕನ ಸಾವು

ಬೆಳಗಾವಿ: ಶ್ರೀನಗರದಲ್ಲಿ ಸೋಮವಾರ ಉಗ್ರಗಾಮಿಗಳು ಮತ್ತು ಗಡಿ ಭದ್ರತಾ ಪಡೆಯ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಸಂಕೇಶ್ವರ ತಾಲ್ಲೂಕಿನ ಸೈನಿಕ ಸುನೀಲ್‌ ಸಂಭಾಜಿ ಸೂರ್ಯವಂಶಿ(ಅಲಿಯಾಸ್‌ ಸತೀಶ್‌) ಮೃತರಾಗಿರುವುದಾಗಿ ವರದಿಯಾಗಿದೆ.

ಬುಧವಾರ ಸುನೀಲ್‌ ಅವರ ಮನೆಗೆ ಈ ದುರಂತದ ವಿಷಯ ತಲುಪಿತು. ಅವರ ಕಳೇಬರವನ್ನು ಪುಣೆಗೆ ತರಲಾಗಿದ್ದು, ಗುರುವಾರ ಬೆಳಗ್ಗೆ ಸಂಕೇಶ್ವರ ತಲುಪಲಿದೆ. ಮಿಲಿಟರಿ ಮರ್ಯಾದೆಗಳೊಂದಿಗೆ ಗುರುವಾರದಂದು ಸುನೀಲ್‌ ಅವರ ಅಂತ್ಯ ಸಂಸ್ಕಾರ ನಡೆಯಲಿದೆ. 1997ರಲ್ಲಿ ಗಡಿ ಭದ್ರತಾ ಪಡೆಗೆ ಸೇರಿದ್ದ ಸುನೀಲ್‌ ಅವರಿಗೆ 28 ವರ್ಷ ವಯಸ್ಸಾಗಿತ್ತು.

(ಇನ್ಫೋ ವಾರ್ತೆ)