ಕಂಪ್ಯೂಟರ್‌ ವ್ಯವಹಾರಗಳ ಮೇಲೆ ರಾಜ್ಯಸರ್ಕಾರದಿಂದ ಶೇ.4 ರ ತೆರಿಗೆ

ಬೆಂಗಳೂರು: ಅಕ್ಟೋಬರ್‌ 1 ರ ಸೋಮವಾರದಿಂದ ಅನ್ವಯವಾಗುವಂತೆ ಕಂಪ್ಯೂಟರ್‌ ವ್ಯವಹಾರಗಳ ಮೇಲೆ ರಾಜ್ಯ ಸರ್ಕಾರ ಪ್ರತಿಶತ 4 ರ ತೆರಿಗೆಯನ್ನು ವಿಧಿಸಿದೆ.

ವಾಣಿಜ್ಯ ತೆರಿಗೆ ಆಯುಕ್ತರು ಸೋಮವಾರ ಹೊರಡಿಸಿರುವ ಪ್ರಕಟಣೆಯಲ್ಲಿ ಈ ವಿಷಯವನ್ನು ತಿಳಿಸಿದ್ದಾರೆ. ಕಂಪ್ಯೂಟರ್‌ ಪ್ರೋಗ್ರಾಮಿಂಗ್‌, ತಂತ್ರಾಂಶ ಮತ್ತು ಕಂಪ್ಯೂಟರ್‌ ಸಾಫ್ಟ್‌ವೇರ್‌ ಸರಕುಗಳ ಗುತ್ತಿಗೆ ಮೇಲೆ ಈ ತೆರಿಗೆಯನ್ನು ವಿಧಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.

ಈ ಮುನ್ನ , ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಅವರು ಆಯವ್ಯಯ ಪತ್ರದಲ್ಲಿ ಕಂಪ್ಯೂಟರ್‌ ವ್ಯವಹಾರಗಳ ಮೇಲೆ ಶೇ.4 ರ ತೆರಿಗೆ ವಿಧಿಸಿ, ಆನಂತರ ವಾಪಸ್ಸು ಪಡೆದುದನ್ನು ಇಲ್ಲಿ ಸ್ಮರಿಸಬಹುದು.

(ಇನ್ಫೋ ವಾರ್ತೆ)