ರಾಜ್ಯದ ವೇದ ವಿದ್ವಾಂಸರಿಂದ ಅಮೆರಿಕಾದ ವಿವಿಧ ಭಾಗಗಳಲ್ಲಿ ಜಪ ತಪ

ಬೆಂಗಳೂರು: ವಿಶ್ವ ವ್ಯಾಪಾರ ಕೇಂದ್ರದ ಅವಳಿ ಕಟ್ಟಡಗಳು ಹಾಗೂ ಪೆಂಟಗನ್‌ ಮೇಲಿನ ಉಗ್ರರ ದಾಳಿಯ ದುಸ್ವಪ್ನದಿಂದ ತತ್ತರಿಸಿರುವ ಅಮೆರಿಕಾದ ಜನವತೆಗೆ ಶಾಂತಿ ಕೋರಲು ರಾಜ್ಯದಿಂದ ವೇದ ಪಂಡಿತರ ನಿಯೋಗ ಅಮೆರಿಕೆಗೆ ತೆರಳಿದೆ.

ಶೃಂಗೇರಿ ಮಠದ ಆಡಳಿತಾಧಿಕಾರಿ ವಿ.ಆರ್‌.ಗೌರಿಶಂಕರ್‌ ನೇತೃತ್ವದಲ್ಲಿ ತೆರಳಿರುವ ಈ ತಂಡದಲ್ಲಿ 15 ಮಂದಿ ವೇದ ವಿದ್ವಾಂಸರಿದ್ದು , ಈ ತಂಡ ಅಮೆರಿಕಾದ ಜನತೆಗೆ ಶಾಂತಿ ಕೋರಲು ಹೋಮ ಜಪಾದಿಗಳನ್ನು ನಡೆಸಲಿದೆ. ಸೆ.27 ರಿಂದ ಅಕ್ಟೋಬರ್‌ 7 ರವರೆಗೆ ಅಮೆರಿಕಾದ ವಿವಿಧ ಭಾಗಗಳಲ್ಲಿ ಈ ತಂಡ ಜಪ ತಪಗಳನ್ನು ನಡೆಸಲಿದೆ.

ಇತ್ತೀಚೆಗೆ ಬೆಂಗಳೂರು ವಿಮಾನ ನಿಲ್ದಾಣದಿಂದ ಮುಂಬೈ ಮೂಲಕ ಅಮೆರಿಕಾಗೆ ತೆರಳಿದ ತಂಡವನ್ನು ಶೃಂಗೇರಿ ಮಠದ ಭಕ್ತರಾದ ಹಲಗೂರು ನಾಗರಾಜ, ಶಂಕರ ಗುಹಾ, ಬೆಂಗಳೂರು ಮಠದ ಪ್ರಬಂಧಕ ಶ್ರೀನಿವಾಸ ಮುಂತಾದವರು ಶುಭ ಹಾರೈಸಿ ಬೀಳ್ಕೊಟ್ಟರು.

(ಇನ್ಫೋ ವಾರ್ತೆ)