ಸಾಲದೆಂಬಂತೆ ಬರ, ಬಳ್ಳಾರಿಗೆ ಬರೆಯಾಗಿ ಬಂದಿದೆ ಕಾಲರಾ!

ಬಳ್ಳಾರಿ : ಬರದ ದವಡೆಗೆ ಸಿಲುಕಿ ತತ್ತರಿಸುತ್ತಿರುವ ಜಿಲ್ಲೆಯನ್ನು ಈಗ ಕಾಲರಾ ಕೂಡ ಕಾಡುತ್ತಿದೆ. ಬೇಸಗೆಯಲ್ಲಿ ಬರುವ ಈ ಅತಿಥಿ ಮಳೆಗಾಲದಲ್ಲೇ ಪಾದ ಬೆಳೆಸಿರುವುದು ವಿಶೇಷ.

ಬಳ್ಳಾರಿಯ ಕೌಲ್‌ಬಜಾರ್‌ ಹಾಗೂ ಹಗರಿಬೊಮ್ಮನಹಳ್ಳಿ ತಾಲ್ಲೂಕಿನ ಸೊನ್ನ ಗ್ರಾಮಗಳನ್ನು ಕಾಲರಾ ಪೀಡಿತ ಪ್ರದೇಶಗಳೆಂದು ಜಿಲ್ಲಾಧಿಕಾರಿ ಜಾವೇದ್‌ ಅಖ್ತರ್‌ ಘೋಷಿಸಿದ್ದಾರೆ. ಕಾಲರಾ ಪೀಡಿತ ಪ್ರದೇಶಗಳ ಸುತ್ತಮುತ್ತ 5 ಕಿಮೀ ವ್ಯಾಪ್ತಿಯಲ್ಲಿ ಸೆಪ್ಚಂಬರ್‌ 22 ರಿಂದ ಅನ್ವಯವಾಗುವಂತೆ 21 ದಿನ ಈ ಆದೇಶ ಜಾರಿಯಲ್ಲಿದ್ದು , ಈ ಅವಧಿಯಲ್ಲಿ ಮದುವೆ, ಸಾಮೂಹಿಕ ಭೋಜನಗಳಂಥ ಜನ ಸೇರುವ ಕಾರ್ಯಕ್ರಮಗಳನ್ನು ನಿಷೇಧಿಸಲಾಗಿದೆ.

(ಇನ್ಫೋ ವಾರ್ತೆ)