ಆಲಮಟ್ಟಿ ಸೇತುವೆಯಿಂದ ಟಿಪ್ಪರ್‌ ಉರುಳಿ ನಾಲ್ವರ ಸಾವು

ಬಿಜಾಪುರ : ಆಲಮಟ್ಟಿ ಅಣೆಕಟ್ಟಿನ ಸೇತುವೆ ದಾಟುವಾಗ ಆಯ ತಪ್ಪಿದ ಟ್ರಕ್‌ ಕೃಷ್ಣಾ ನದಿಗೆ ಬಿದ್ದು, ನಾಲ್ವರು ಸತ್ತಿದ್ದಾರೆ.

ಬಸವನಬಾಗೇವಾಡಿ ತಾಲ್ಲೂಕಿನ ದೇವಲಾಪುರ ಗ್ರಾಮದಲ್ಲಿ ನಡೆದಿರುವ ಕಾಮಗಾರಿಯಲ್ಲಿ ಈ ಟ್ರಕ್‌ ಕಾರ್ಯ ನಿರ್ವಹಿಸುತ್ತಿತ್ತು.

ಚಾಲಕ ರಾಯಪ್ಪ ಸೋಮಪ್ಪ ತಳಟ್ಟಿ (25), ಕ್ಲೀನರ್‌ ಕೃಷ್ಣ ಪೂಜಾರ (25), ಮಂಟೂರಿನ ಶಿವಕುಮಾರ ಶರಣಬಸಪ್ಪ ಪಟ್ಟೇದ (23), ಬಳಗಾನೂರಿನ ಶಿವಪ್ಪ ಅವರಾಧಿ (30) ಎಂಬವರು ಶುಕ್ರವಾರ ಮಧ್ಯರಾತ್ರಿ ಸಂಭವಿಸಿರುವ ಈ ಅಪಘಾತದಲ್ಲಿ ಮೃತಪಟ್ಟಿರುವ ದುರ್ದೈವಿಗಳು. ಬಸವರಾಜ ಶಿವಪ್ಪ ಮಮ್ಮಟಗೇರಿ(22) ಎಂಬಾತ ಆಶ್ಚರ್ಯಕರ ರೀತಿಯಲ್ಲಿ ಪಾರಾಗಿ, ಈಜಿ ದಡ ಸೇರಿದ್ದಾರೆ.

(ಇನ್ಫೋ ವಾರ್ತೆ)