ಜೆಹಾದ್‌ಅಥವಾ ಅಮೆರಿಕಾಗೆ ಲ್ಯಾಡೆನ್‌:ಉಲೇಮಾಗಳ ಸಭೆ ಪ್ರಾರಂಭ

ಕಾಬೂಲ್‌ : ಒಸಾಮಾ ಬಿನ್‌ ಲ್ಯಾಡೆನ್‌ನ ಹಣೆಬರಹವನ್ನು ನಿರ್ಧರಿಸುವ ಸಭೆ ಇಲ್ಲಿ ನಡೆಯುತ್ತಿದ್ದು, ಈ ಸಭೆಯಲ್ಲಿ ಸಾವಿರಕ್ಕೂ ಹೆಚ್ಚು ಉಲೇಮಾಗಳು ಭಾಗವಹಿಸಿದ್ದಾರೆ ಎಂದು ತಾಲಿಬಾನ್‌ನ ಹಿರಿಯ ಅಧಿಕಾರಿ ಸಯ್ಯದ್‌ ಮಹಮದ್‌ ಹಗ್ಗಾನಿ ತಿಳಿಸಿರುವುದಾಗಿ ಪಾಕಿಸ್ತಾನ ಮೂಲದ ಸುದ್ದಿಸಂಸ್ಥೆ ವರದಿ ಮಾಡಿದೆ.

ಪ್ರಸಕ್ತ ಬಿಕ್ಕಟ್ಟಿನ ಎಲ್ಲಾ ಸಾಧ್ಯಾಸಾಧ್ಯತೆಗಳನ್ನು ಕುರಿತು ಉಲೇಮಾಗಳ ಸಭೆ ಚರ್ಚಿಸುವುದು. ಕಾಬೂಲಿನ ರಾಷ್ಟ್ರಪತಿಗಳ ಭವನದಲ್ಲಿ ಈ ಸಭೆ ನಡೆದಿದ್ದು , ಲ್ಯಾಡೆನ್‌ನನ್ನು ಒಪ್ಪಿಸದಿದ್ದಲ್ಲಿ ದಾಳಿ ನಡೆಸುವ ಅಮೆರಿಕಾದ ಬೆದರಿಕೆಯನ್ನು ಪ್ರಮುಖವಾಗಿ ಚರ್ಚಿಸುತ್ತದೆ. ತಾಲಿಬಾನ್‌ನ ಸರ್ವಾಧಿಕಾರಿ ಮುಲ್ಲಾ ಮೊಹಮದ್‌ ಓಮರ್‌ ಈ ಸಭೆಯನ್ನು ಕರೆದಿದ್ದಾರೆ. ಅಮೆರಿಕಾದ ಮೇಲೆ ಜೆಹಾದ್‌ ಅಥವಾ ಪವಿತ್ರ ಯುದ್ಧವನ್ನು ಅಧಿಕೃತವಾಗಿ ಸಾರುವ ಕುರಿತೂ ಸಭೆ ಚರ್ಚಿಸುತ್ತಿದೆ.

(ಪಿಟಿಐ)