ಅಮೆರಿಕ ವಿರುದ್ಧ ಪವಿತ್ರ ಯುದ್ಧಕ್ಕೆ ಸಜ್ಜಾಗಿರುವಂತೆ ಆಫ್ಘನ್ನರಿಗೆ ಕರೆ

ಕಾಬೂಲ್‌ : ಅಮೆರಿಕದ ವಿರುದ್ಧ ಪವಿತ್ರ ಯುದ್ಧ ನಡೆಸಲು ಸಿದ್ಧರಾಗಿರುವಂತೆ ಆಫ್ಘಾನಿಸ್ತಾನೀಯರಿಗೆ ಕರೆ ನೀಡಲಾಗಿದೆ ಎಂದು ತಾಲಿಬಾನ್‌ ವಾರ್ತಾ ಸಂಸ್ಥೆ ವರದಿ ತಿಳಿಸಿದೆ. ಈ ವಿಷಯವನ್ನು ಎ.ಪಿ. ಸುದ್ದಿ ಸಂಸ್ಥೆ ಮಂಗಳವಾರ ಪ್ರಸಾರ ಮಾಡಿದೆ.

ಇಸ್ಲಾಮಾಬಾದ್‌ ವರದಿ : ಈ ಮಧ್ಯೆ ಶಂಕಿತ ಉಗ್ರಗಾಮಿ ನಾಯಕ ಒಸಾಮ ಬಿನ್‌ ಲಾಡೆನ್‌ನ ಹಣೆಬರಹ ನಿರ್ಧರಿಸಲು ಮಂಗಳವಾರ ಕಂದಹಾರ್‌ನಲ್ಲಿ ಉಲಾಮಾಗಳ ಸಭೆ ಕರೆದಿದ್ದಾಗ್ಯೂ ಕೂಡ ಲಾಡೆನ್‌ ಗಡಿಪಾರಿಗೆ, ಆಫ್ಘಾನಿಸ್ತಾನದ ಮಿಲಿಟರಿ ಆಡಳಿತ ವಿಶ್ವಸಂಸ್ಥೆ ವಿಧಿಸಿರುವ ದಿಗ್ಭಂಧನ ತೆರವೂ ಸೇರಿದಂತೆ ಹಲವು ಷರತ್ತುಗಳನ್ನು ಹಾಕಿದೆ.

ತಾಲಿಬಾನ್‌ ನಾಯಕ ಮುಲ್ಲಾ ಮೊಹಮ್ಮದ್‌ ಓಮರ್‌ ಸಿದ್ಧಪಡಿಸಿರುವ ಷರತ್ತುಗಳನ್ನು ಪಾಕಿಸ್ತಾನದಿಂದ ಆಗಮಿಸಿರುವ ಐ.ಎಸ್‌.ಐ. ಮುಖ್ಯಸ್ಥ ಲೆ.ಜ. ಮೊಹಮದ್‌ ಆಹ್ಮದ್‌ ನೇತೃತ್ವದ ತಂಡಕ್ಕೆ ತಿಳಿಸಲಾಗಿದೆ. ಆಫ್ಘನ್‌ನ ಇತರ ಷರತ್ತುಗಳಲ್ಲಿ ಒಸಾಮಾ ಬಿನ್‌ ಲಾಡೆನ್‌ ವಿರುದ್ಧ ತಟಸ್ಥ ದೇಶವೊಂದರಿಂದ ವಿಚಾರಣೆ ನಡೆಸಬೇಕು. ಆಫ್ಘಾನಿಸ್ತಾನಕ್ಕೆ ಅಂತಾರಾಷ್ಟ್ರೀಯ ಆರ್ಥಿಕ ನೆರವು ಮುಂದುವರಿಸಬೇಕು.

ಉತ್ತರದ ಮಿತ್ರರಾಷ್ಟ್ರಗಳಿಗೆ ಸೈನಿಕ ನೆರವು ನಿಲ್ಲಿಸಬೇಕು ಎಂಬ ಷರತ್ತುಗಳೂ ಸೇರಿವೆ ಎಂದು ಆಫ್ಘಾನಿಸ್ತಾನದ ದೈನಿಕ ‘ದಿ ನೇಷನ್‌’ ಸೆಪ್ಟೆಂಬರ್‌ 18ರಂದು ವರದಿ ಮಾಡಿದೆ. ಆಫ್ಘನ್‌ಗೆ ತೆರಳಿದ್ದ ನಿಯೋಗದ ಕನಿಷ್ಠ ಇಬ್ಬರು ಆ ದೇಶದ ಷರತ್ತುಗಳೊಂದಿಗೆ ಇಸ್ಲಾಮಾಬಾದ್‌ಗೆ ಮರಳಿದ್ದಾರೆ ಎಂದೂ ಅದು ಹೇಳಿದೆ. ಆದರೆ, ಈ ಸುದ್ದಿಯನ್ನು ಅಧಿಕಾರಿಗಳು ದೃಢಪಡಿಸಿಲ್ಲ.

(ಪಿ.ಟಿ.ಐ)

ಮಂಗಳವಾರ ಲಾಡೆನ್‌ ಅಳಿವು- ಉಳಿವು ನಿರ್ಧರಿಸುವ ಉಲೇಮರ ಸಭೆ

Post Your Views

ಮುಖಪುಟ / ಭಯೋತ್ಪಾದನೆ