• search

ಮಂಗಳವಾರ ಲಾಡೆನ್‌ ಅಳಿವು- ಉಳಿವು ನಿರ್ಧರಿಸುವ ಉಲೇಮರ ಸಭೆ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಕಾಬೂಲ್‌ : ಕಳೆದ ಮಂಗಳವಾರ ಅಮೆರಿಕದ ಗಗನಚುಂಬಿ ಕಟ್ಟಡಗಳನ್ನು ನೆಲಸಮಗೊಳಿಸಿ, ವಿಶ್ವವನ್ನೇ ತಲ್ಲಣಗೊಳಿಸಿದನೆನ್ನಲಾಗಿರುವ ಶಂಕಿತ ಉಗ್ರಗಾಮಿ ನಾಯಕ ಒಸಮಾ ಬಿನ್‌ ಲಾಡೆನ್‌ನ ಹಣೆಬರಹ (ಅಳಿವು- ಉಳಿವು) ವನ್ನು ಈ ಮಂಗಳವಾರ ಇಸ್ಲಾಮಿಕ್‌ ಪಂಡಿತರು (ಉಲೇಮಾಗಳು) ನಿರ್ಧರಿಸಲಿದ್ದಾರೆ.

    ಆಫ್ಘಾನಿಸ್ತಾನದ ಮೇಲೆ ಅಮೆರಿಕದ ಸಂಭವನೀಯ ದಾಳಿಯನ್ನು ತಪ್ಪಿಸಲು ಒಸಮಾ ಬಿನ್‌ ಲಾಡೆನ್‌ನನ್ನು ಅಮೆರಿಕದ ವಶಕ್ಕೆ ಒಪ್ಪಿಸುವಂತೆ ಪಾಕ್‌ ಗಡುವು ನೀಡಿದೆ. ಕೇವಲ ಒಬ್ಬ ವ್ಯಕ್ತಿಗಾಗಿ 25 ದಶಲಕ್ಷ ಅಮಾಯಕರ ಬಲಿಕೊಡುವುದು ಬೇಡ ಎಂಬ ಹಿತನುಡಿಗಳನ್ನೂ ಹೇಳಿದೆ.

    ಈ ಹಿನ್ನೆಲೆಯಲ್ಲಿ ಪ್ರತಿಯಾಂದು ಪ್ರಾಂತ್ಯವನ್ನು ಪ್ರತಿನಿಧಿಸುವ ಇಸ್ಲಾಮಿಕ್‌ ಪಂಡಿತರು ಕಾಬೂಲ್‌ನಲ್ಲಿ ಮಂಗಳವಾರ ಮಹತ್ವದ ಸಭೆ ನಡೆಸಿ, ಲಾಡೆನ್‌ ಹಣೆ ಬರಹವನ್ನು ನಿರ್ಧರಿಸಲಿದ್ದಾರೆ ಎಂದು ತಾಲಿಬಾನ್‌ ನಾಯಕ ಮುಲ್ಲಾ ಮೊಹಮ್ಮದ್‌ ಓಮರ್‌ ತಿಳಿಸಿದ್ದಾರೆ ಎಂದು ಆಫ್ಘಾನಿಸ್ತಾನ್‌ ರೇಡಿಯೋ ಶರಿಯತ್‌ ವರದಿ ಮಾಡಿದೆ. ಈ ಮಧ್ಯೆ...

    • ನಮಗೆ ನ್ಯಾಯಬೇಕು. ಬಿನ್‌ ಲಾಡೆನ್‌ ಬೇಕೇ ಬೇಕು. ಜೀವಂತ ಇಲ್ಲ ಅವನ ಹೆಣವಾದರೂ ಬೇಕು ಎಂದು ಬುಷ್‌ ಸೋಮವಾರ ಹೇಳಿದ್ದಾರೆ.
    • ಒಸಾಮಾ ಬಿನ್‌ ಲ್ಯಾಡನ್‌ನನ್ನು ಒಪ್ಪಿಸುವ ವಿಷಯದಲ್ಲಿ ವಿಳಂಬ ಮಾಡದೆ ನಿರ್ಧಾರ ಕೈಗೊಳ್ಳುವಂತೆ ಪಾಕಿಸ್ತಾನ ಒತ್ತಾಯಿಸಿದೆ.
    • ಅಮೆರಿಕದ ಕೋರಿಕೆಯ ಹಿನ್ನೆಲೆಯಲ್ಲಿ ಪಾಕ್‌ ಆಹಾರ ಸರಬರಾಜೊಂದನ್ನು ಹೊರತು ಪಡಿಸಿ, ಪಾಕ್‌ - ಆಫ್ಘಾನಿಸ್ತಾನ ಗಡಿಯನ್ನು ಮುಚ್ಚಿದೆ.
    • ಅಮೆರಿಕದ ಮೇಲೆ ಉಗ್ರರ ದಾಳಿ ನಡೆದ ಸಂದರ್ಭದಲ್ಲಿ 2 ವಿಮಾನ ಕಳೆದುಕೊಂಡ ಯುನೈಟೆಡ್‌ ಏರ್‌ಲೈನ್ಸ್‌ ಭಾರತಕ್ಕೆ ತನ್ನ ವಿಮಾನ ಯಾನ ರದ್ದು ಪಡಿಸಿರುವುದಾಗಿ ಸೋಮವಾರ ಪ್ರಕಟಿಸಿದೆ.
    • ಆಫ್ಘನ್‌ ಆಗಸದಲ್ಲಿ ಕದನದ ಕಾರ್ಮೋಡ ಕವಿದಿದ್ದು, ಆಫ್ಘನ್ನರು ಗುಳೆ ಏಳುತ್ತಿದ್ದಾರೆ.
    • ವಾಷಿಂಗ್ಟನ್‌ - ನ್ಯೂಯಾರ್ಕ್‌ ಮೇಲಿನ ದಾಳಿಗೆ ಲಾಡೆನ್‌ನೇ ಕಾರಣ ಎಂಬುದಕ್ಕೆ ನಿಖರ ಮಾಹಿತಿ - ಪುರಾವೆ ಒದಗಿಸಿ, ಲಾಡೆನ್‌ನನ್ನು ವಶಕ್ಕೆ ತೆಗೆದುಕೊಳ್ಳಿ ಎಂದು ಹೇಳುವ ಮೂಲಕ ತಾಲಿಬಾನ್‌ ಲಾಡೆನ್‌ನನ್ನು ವಶಕ್ಕೊಪ್ಪಿಸಲು ನಿರಾಕರಿಸಿದೆ.
    • 20 ರಿಂದ 25 ಸಾವಿರ ಸೈನಿಕರನ್ನು ಪಾಕ್‌ ಗಡಿಯಲ್ಲಿ ನಿಯೋಜಿಸಿರುವ ತಾಲಿಬಾನ್‌ ಯುದ್ಧಕ್ಕೆ ಸಜ್ಜಾಗುತ್ತಿದೆ
    • ಇದಕ್ಕೆ ಪ್ರತಿಯಾಗಿ ಲಾಡೆನ್‌ ಅಡಗುದಾಣದ ಮೇಲೆ ದಾಳಿ ಮಾಡಲು ಅಮೆರಿಕಾ ಕ್ಷಿಪಣಿ ಮತ್ತು ಯುದ್ಧವಾಹಕಗಳನ್ನು ಕಳುಹಿಸಿಕೊಟ್ಟಿದೆ.
    • ಕಂದಹಾರ್‌ನಲ್ಲಿ ಸೋಮವಾರ ನಡೆದ ಪಾಕ್‌ ನಿಯೋಗದ ಜತೆಗಿನ ಮಾತುಕತೆ ಬಹುತೇಕ ವಿಫಲ.
    • ಯುದ್ಧ ಅನಿವಾರ್ಯವೇ ಆದಲ್ಲಿ ವಿಶ್ವಸಂಸ್ಥೆ ನೇತೃತ್ವದಲ್ಲಿ ಅದು ನಡೆಯಬೇಕು ಎಂಬ ಇಂಗಿತವನ್ನು ಪಾಕ್‌ ವ್ಯಕ್ತಪಡಿಸಿದೆ.
    • ಆಂತರಿಕ ದಂಗೆ ಹಾಗೂ ಆಫ್ಘನ್‌ ನಿರಾಶ್ರಿತರು ದಂಗೆ ಎದ್ದಾರೆಂದು ಪಾಕ್‌ ಸೇನೆ ಸನ್ನದ್ಧ ಸ್ಥಿತಿಯಲ್ಲಿದೆ.
    • ಅಮೆರಿಕಕ್ಕೆ ನೆರವಾದರೆ ಆಂತರಿಕ ಹಿಂಸಾತ್ಮಕ ದಂಗೆ ಎದುರಿಸಬೇಕಾದೀತು ಎಂದು 30 ಇಸ್ಲಾಮಿಕ್‌ ಮೂಲಭೂತವಾದಿಗಳ ಪಕ್ಷವು ಮುಷರ್ರಫ್‌ ಸರಕಾರಕ್ಕೆ ಎಚ್ಚರಿಕೆ ನೀಡಿದೆ.

      Post Your Views

      ಮುಖಪುಟ / ಭಯೋತ್ಪಾದನೆ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more