ಮಹಿಳೆ ಮಕ್ಕಳು ಅಳಲು ಕೇಳಲೊಂದು ಕಿವಿ- ಇದು ‘ತಾಯಿಮನೆ’

ಬೆಂಗಳೂರು : ಮಹಿಳೆ ಮತ್ತು ಮಕ್ಕಳ ಸಮಸ್ಯೆಗಳಿಗೆ ಸ್ಪಂದಿಸಿ ಪರಿಹಾರ ಸೂಚಿಸುವ ‘ತಾಯಿಮನೆ’ ಎನ್ನುವ ಸಂಸ್ಥೆ ನಗರದಲ್ಲಿ ಪ್ರಾರಂಭವಾಗಿದ್ದು , ಈ ಸಂಸ್ಥೆ ದಿನದ 24 ಗಂಟೆಯೂ ಕಾರ್ಯ ನಿರ್ವಹಿಸಲಿದೆ.

ಮಹಿಳೆ ಮತ್ತು ಮಕ್ಕಳು ತಮ್ಮ ಸಮಸ್ಯೆಗಳನ್ನು ದೂರವಾಣಿ ಮೂಲಕ ತಿಳಿಸಿದಲ್ಲಿ , ಆದಷ್ಟು ಬೇಗ ಅವುಗಳ ಪರಿಹಾರಕ್ಕೆ ಕ್ರಮ ಕೈಗೊಳ್ಳಲಾಗುವುದು ಎಂದು ಸಂಸ್ಥೆಯ ರೂಪಿಣಿ ಚಂದ್‌ ತಿಳಿಸಿದ್ದಾರೆ. ಸಂಪರ್ಕಿಸಬೇಕಾದ ಸಂಖ್ಯೆಗಳು : ಫೋನ್‌- 080-2217463, ಮೊಬೈಲ್‌ - 98451-04183.

ವೈಯಕ್ತಿಕ ಸಮಸ್ಯೆ, ಕೌಟುಂಬಿಕ ಕಲಹ, ವೃತ್ತಿ ಸಮಸ್ಯೆ, ಮದುವೆ, ವರದಕ್ಷಿಣೆ, ಶಿಕ್ಷಣ ಶುಲ್ಕ, ಬಾಲಕಾರ್ಮಿಕರ ಕಣ್ಣು ಪರೀಕ್ಷೆ ಮುಂತಾದ ವಿಷಯಗಳಿಗೆ ಸಂಬಂಧಿಸಿದಂತೆ ತಾಯಿಮನೆ ಕಾರ್ಯ ನಿರ್ವಹಿಸಲಿದೆ.

(ಇನ್ಫೋ ವಾರ್ತೆ)