ಶಶಿಕಿರಣ್‌ಕಡಬ ಹೇಗಿದ್ದಾರೆ?

ಬೆಂಗಳೂರು : ನ್ಯೂಯಾರ್ಕ್‌ನಲ್ಲಿನ ವಿಶ್ವ ವ್ಯಾಪಾರ ಕೇಂದ್ರದ ದುರಂತದ ಕೆನ್ನಾಲಗೆ ಬೆಂಗಳೂರನ್ನೂ ವ್ಯಾಪಿಸಿದೆ ಅನ್ನುವುದಕ್ಕೆ ಶಶಿಕಿರಣ್‌ ಕಡಬ ಅವರ ಪೋಷಕರೇ ಸಾಕ್ಷಿ . ಶಶಿಕಿರಣ್‌ ಕ್ಷೇಮ ಸಮಾಚಾರ ಈವರೆಗೂ ತಿಳಿಯದ್ದರಿಂದ ಬೆಂಗಳೂರಿನಲ್ಲಿರುವ ಅಪ್ಪ ಅಮ್ಮ ಗಾಬರಿಯಾಗಿದ್ದಾರೆ.

27 ವರ್ಷದ ಶಶಿಕಿರಣ್‌ ಎಲ್‌. ಕಡಬ ವಿಶ್ವ ವ್ಯಾಪಾರ ಕೇಂದ್ರದ ಮೊದಲ ಗೋಪುರದ 97 ನೇ ಮಹಡಿಯಲ್ಲಿ ಕೆಲಸ ಮಾಡುತ್ತಿದ್ದರು. ವಿಪ್ರೋಗಾಗಿ ಕೆಲಸ ಮಾಡುತ್ತಿದ್ದ ಅವರು, ಮಾರ್ಷ್‌ ಮ್ಯಾಕ್‌ಲೆಲ್ಲನ್‌ ಪ್ರಾಜೆಕ್ಟ್‌ನಲ್ಲಿ ತೊಡಗಿಕೊಂಡಿದ್ದರು. ಈ ಕಟ್ಟಡ ದಾಳಿಗೀಡಾದ ನಂತರ ಶಶಿಕಿರಣ್‌ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ . ಇತ್ತ ಅಪ್ಪ ಅಮ್ಮನ ಆತಂಕ ಹೆಚ್ಚುತ್ತಲೇ ಇದೆ.

ಅಮೆರಿಕದಲ್ಲಿನ ಕನ್ನಡ ಬಂಧುಗಳು, ಕನ್ನಡ ಸಂಸ್ಥೆಗಳು ಶಶಿಕಿರಣ್‌ ಬಗ್ಗೆ ಮಾಹಿತಿ ಒದಗಿಸುತ್ತಾರೆಂದು ಆತನ ಕುಟುಂಬ ಕಾದು ಕುಳಿತಿದೆ. ಈ ಸುದ್ದಿಯನ್ನು ನಿಮ್ಮ ಗೆಳೆಯರಿಗೂ ತಲುಪಿಸಿ, ಸಹಾಯ ಮಾಡಿ. ಮಾಹಿತಿ ಸಿಕ್ಕಲ್ಲಿ ದಯವಿಟ್ಟು ರಘುವೀರ್‌ ರಾವ್‌ 240-453-0137 ಅಥವಾ ಉಷಾ 919820184647 (ಮುಂಬಯಿ)ಇವರನ್ನು ಸಂಪರ್ಕಿಸಿ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...